Avqustun 9-da gecə saatlarında Klassik Xalq Cəbhəsi Partiyasının (KXCP) Gədəbəy rayon təşkilatının sədri Ceyhun Cəfərov və KXCP sədrinin müşaviri Əli Abdullayev polis tərəfindən saxlanıb.
KXCP Gədəbəy rayon təşkilatının sədrinin və müşavirin saxlanılmasını siyasi adlandırıb. “Hər iki şəxs seçki prosesindən uzaqlaşdırılmaq məqsədi ilə saxlanılıb və bu, yerli rəhbərliyin sifarişidir”, deyə KXCP-dən Turan-a bildiriblər.
Öz növbəsində, Gədəbəy rayon Polis Şöbəsinin növbətçi hissəsindən Turan-a bildiriblər ki, hər iki şəxs barədə Dövlət Yol Polisi tərəfindən rayon polis şöbəsinə raport daxil olub.
Raportda sərxoş vəziyyətdə avtomobil idarə etmələri və yol polisinin tələblərinə tabe olmayaraq problem yaratmaları əksini tapıb. “Ceyhun Cəfərov və Əli Abdullayev yol polisinin raportu əsasında dünən saat 24 radələrində saxlanılıb. Hazırda onların işi məhkəməyə hazırlanır”, deyə növbətçi hissədən bildiriblər. -03B-
Siyasət
-
Cümə axşamı Xətai Rayon Məhkəməsi iqtisadçı Fərid Mehralızadənin həbs müddətini daha 3 ay uzadıb. Məhkəmənin qərarına əsasən, o, dekabrın 19-dək həbsdə qalacaq, vəkil Cavad Cavadov bildirib.
-
Sentyabrın 6-da Bakının Xətai Rayon Məhkəməsi “Abzas Media işi” üzrə həbs edilmiş jurnalist Elnarə Qasımovanın həbs müddətinin uzadılması barədə istintaq orqanının təqdimatını təmin edib. Məhkəmənin qərarına əsasən, o, noyabrın 13-dək həbsdə qalacaq. Bu barədə Turan-a onun vəkili Günay İsmayılova bildirib.
-
Avropa Şurası Parlament Assambleyası üzvlərinin Azərbaycana səfərinə qoyulan qadağa ölkənin nümayəndə heyətinin bu təşkilata qayıtmasından sonra ləğv ediləcək. Bu barəsə prezident İlham Əliyev Beynəlxalq Çernobbio Forumunda moderatorun suallarını cavablandırarkən bildirib.
-
Prezident İlham Əliyev Rusiya ilə Ukrayna arasında münaqişənin həllində Azərbaycanın da iştirakının mümkünlüyünü istisna etməyib. Bu barədə o, Beynəlxalq Çernobbio Forumunda moderatorun suallarını cavablandırarkən bildirib.
Rəy yaz