Litvanın xarici işlər naziri Kestutis Budris bazar günü Azərbaycanın xarici işlər naziri Ceyhun Bayramovla telefon danışığı apararaq Bakı-Qroznı reysi zamanı Aktau yaxınlığında baş vermiş "Azərbaycan Hava Yolları" sərnişin təyyarəsinin faciəli qəzası ilə bağlı başsağlığı verib. Bu barədə Azərbaycanın Xarici İşlər Nazirliyi məlumat yayıb.
Litvanın xarici işlər naziri Kestutis Budris bazar günü Azərbaycanın xarici işlər naziri Ceyhun Bayramovla telefon danışığı apararaq Bakı-Qroznı reysi zamanı Aktau yaxınlığında baş vermiş "Azərbaycan Hava Yolları" sərnişin təyyarəsinin faciəli qəzası ilə bağlı başsağlığı verib. Bu barədə Azərbaycanın Xarici İşlər Nazirliyi məlumat yayıb.
Nazir Budris qəzada həlak olanlara rəhmət, yaralananlara isə tezliklə sağalmalarını arzu edərək dərin hüznlə başsağlığı ifadə edib. O, ilk rəsmi zənginin belə kədərli şəraitdə edilməsindən təəssüfləndiyini bildirib və Litva tərəfinin yaralananların reabilitasiyası və qəzanın səbəblərinin araşdırılması istiqamətində mümkün dəstəyi göstərməyə hazır olduğunu vurğulayıb.
Xarici işlər naziri Ceyhun Bayramov həmrəyliyə və başsağlığına görə litvalı həmkarına təşəkkür edib. O, qəzanın səbəblərinin araşdırılmasının ölkə rəhbərliyinin birbaşa nəzarəti altında olduğunu, hadisənin araşdırılması üçün dövlət komissiyasının yaradıldığını və görülən işlər barədə məlumat verdiyini bildirib.
Telefon danışığı zamanı nazirlər həmçinin regional və beynəlxalq təhlükəsizlik məsələlərini, eləcə də ikitərəfli və çoxtərəfli əməkdaşlıq məsələlərini müzakirə ediblər. Gələn il iki ölkə arasında diplomatik münasibətlərin qurulmasının 30 illiyi qeyd olunacağı üçün əməkdaşlıq əlaqələrinin gücləndirilməsinin vacibliyi vurğulanıb.
Siyasət
-
“Abzas Media”nın həbsdə olan əməkdaşı Elnarə Qasımova saxlanıldığı 1 saylı Bakı İstintaq Təcridxanasından ictimaiyyətə məktub ünvanlayıb. Jurnalist məktubunda təcridxanada qadın məhbusların məruz qaldıqları hüquqsuzluqdan, fiziki və psixoloji zorakılıqlardan, qeyri-insani rəftardan söz açıb.
-
Dövlət başçısı “Uca Allahın kölgəsi” deyil, müəyyən müddətə götürülən hökumət idarəçisidir. Bunu “Ana Tili”nəşrinə müsahibəsində Qazaxıstan Prezidenti Kasım Jomart Tokayev deyib.
-
30 dekabr 2024-cü ildə Azərbaycan Liberal Partiyasınin (ALP) onlayn - Qurultayı keçirilmişdir. Qurultay partiyanın Nizamnaməsinə əlavələr etmiş, professor Lalə Şövkət xanımı ALP-nin lideri, Əvəz Temirxanı isə yenidən partiyanın sədri seçmisdir.
-
Azərbaycan, Ukrayna üzərindən Rusiya qazının tranzitinin dayandırılmasından sonra təbii qaz bazarında artan çətinliklər fonunda Avropa üçün əsas enerji tərəfdaşı kimi öz mövqeyini gücləndirir. On il davam edən tranzit marşrutunun sonunu göstərən bu kəsinti, qlobal mayeləşdirilmiş təbii qaz (LNG) bazarında rəqabəti artıracağı və alternativ enerji mənbələrinin qiymətlərini yüksəldəcəyi gözlənilir.
Rəy yaz