![Macarıstan hakimiyyəti Budapeştdə Azərbaycan səfirliyinin mühafizəsini gücləndirib](https://turan.az/resized/750/500/resize/media/2012/main/090400009808.jpg)
Macarıstan hakimiyyəti Budapeştdə Azərbaycan səfirliyinin mühafizəsini gücləndirib
Macarıstan hakimiyyəti Budapeştdə erməni zabitinin qətlinə görə ömürlük həbs cəzası çəkən azərbaycanlı zabit Ramil Səfərovun əfvindən sonra Azərbaycan səfirliyinə qarşı mümkün aksiyaların qarşısını almaq məqsədilə diplomatik missiyanın mühafizəsini gücləndirib.
“Exo Moskvı” xəbər verir ki, Avropa İttifaqında Səfərovun əfvi haqqında məlumatlardan narahatdırlar. Brüsseldə hesab edirlər ki, bütün bunların bütünlükdə region üçün ciddi nəticələri ola bilər.
Macarıstan Bakının Ramil Səfərovu əfv etmək qərarı ilə əlaqədar Azərbaycana etirazını bildirib.
Macarıstan onu həm Budapeştin, həm də Bakının imzaladığı Konvensiya çərçivəsində Azərbaycan hakimiyyətinin əlinə verib. Konvensiyaya əsasən, məhbuslar cəza müddətini öz vətənlərində çəkə bilərlər. Lakin Səfərov Azərbaycana getdikdən dərhal sonra prezident Əliyev tərəfindən əfv olunub.
Macarıstanın xarici işlər nazirinin müavini Azərbaycan səfirinə bildirib ki, Budapeşt “Ramil Səfərovun əfvini qəbuledilməz sayır və pisləyir”.
Erməni diasporu etiraz aksiyalarına başlayıb və Səfərovun əfvinə görə azərbaycanlıları cəzalandıracağı və bütün dünyada Azərbaycan səfirlikləri qarşısında aksiyalar keçirəcəyi ilə hədələyib. -02D-
-
- Bazarların icmalı
- 4 Sentyabr 2012 04:34
-
- Cəmiyyət
- 4 Sentyabr 2012 11:53
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz