Mütəşəkkil Cinayətkarlığa qarşı Mübarizə İdarəsində (MCQMİ) bu gün olan görüşdə Müsavat Partiyası başanı Arif Hacılıya xəbərdarlıq edilib. Bu barədə görüşün təfərrüatına dair partiyanın yaydığı açıqlamada deyilir.
“Son günlər Siyəzən, Lənkəran və s. rayonlarda baş verən kütləvi etiraz aksiyalarının təşkilində Müsavat Partiyasının rolu barədə məlumatlar var”, deyə MCQMİ rəisi Seyfullah Əzimov partiya rəhbərinə bildirib. S.Əzimov görüşün məqsədinin də həmin məlumatlarla bağlı partiyaya xəbərdarlıq etmək olduğunu söyləyib.
Arif Hacılı isə ona cavab olaraq bildirib ki, Müsavat Partiyası hələki kütləvi aksiyalar barədə qərar verməyib: “Müsavat Partiyası kütləvi aksiyalar keçirilməsinə dair qərar qəbul etsə Konstitusiyaya uyğun müvafiq dövlət orqanlarına rəsmi məlumat veriləcək”, - deyə A.Hacılı faktiki MCQMİ-nin partiyaya qarşı ittihamlarını rədd edib. -05D-
2016 Yanvar 13 (Çərşənbə) 14:38:48
Müsavat Partiyasının başqanı Arif Hacılı çərşənbə günü Mütəşəkkil Cinayətkarlığa Qarşı Mübarizə İdarəsinə çağırılıb. Bu haqda sədr müavini Elman Fəttah bildirib.
Onun sözlərinə görə, partiya rəhbərinin idarəyə çağırılmasının səbəbi açıqlanmır. “Sadəcə bunu bilirik ki, Seyfulla Əzimov Arif Hacılı ilə görüşmək istəyir”, - E.Fəttah qeyd edib.
E.Fəttah rəislə görüşün saat 15:00-a nəzərdə tutulduğunu söyləyib.-05B-
Siyasət
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
Rəy yaz