Məhərrəm Əliyev Belarusda səfir kimi çalışmağa başlayıb
Bakı/06.01.24/Turan: Yanvarın 5-də Belarus Respublikasının xarici işlər naziri Sergey Aleynikin Azərbaycan Respublikasının fövqəladə və səlahiyyətli səfiri Məhərrəm Əliyevlə görüşü olub. Görüşdə Azərbaycan diplomatik missiyasının yeni rəhbəri etimadnaməsinin surətini təqdim edib.
Belarus Xarici İşlər Nazirliyinin məlumatında deyilir ki, həmsöhbətlər Belarus-Azərbaycan münasibətlərinin vəziyyəti və inkişaf perspektivləri barədə fikir mübadiləsi aparıb, ikitərəfli gündəliyin geniş spektrini müzakirə ediblər.
Qarşıdakı səfərlərin ali və yüksək səviyyədə təşkilinə, qarşılıqlı ticarət-iqtisadi fəaliyyətin möhkəmləndirilməsinə, əməkdaşlığın inkişafının yol xəritəsinin razılaşdırılmasına xüsusi diqqət yetirilib.
Tərəflər iki ölkənin strateji tərəfdaşlığı məcrasında münasibətlərin daha da inkişaf etdirilməsinə yönəldiklərini təsdiqləyiblər.
Xatırladaq ki, son vaxtlara qədər Məhərrəm Əliyev Azərbaycan prezidentinin hərbi məsələlər üzrə müşaviri postunu tutub.-0-
Siyasət
-
Ukrayna Prezidenti Volodimir Zelenski Qazaxıstanın Aktau şəhəri yaxınlığında Azərbaycan Hava Yollarına (AZAL) məxsus Embraer 190 təyyarəsinin qəzaya uğramasından sonra Rusiyaya təzyiqin artırılmasına çağırıb. Zelenski bu fikri 22 yanvarda Davosda keçirilən Dünya İqtisadi Forumunda Azərbaycan Prezidenti İlham Əliyevlə görüş zamanı səsləndirib.
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
Rəy yaz