![Məhkəmə Aslan İsmayılovu vəkillik səlahiyyətlərindən məhrum etdi](https://turan.az/resized/media/2013/main/091000049094-750-500-resize.webp)
Məhkəmə Aslan İsmayılovu vəkillik səlahiyyətlərindən məhrum etdi
Bakı şəhər Nərimanov rayon məhkəməsi hüquqşünas Aslan İsmayılovun vəkillik səlahiyyətlərinə xitam verilməsi haqqında qərar qəbul edib.
Turan-ın müxbiri ilə söhbətində İsmayılov bildirib ki, hakim Turqay Hüseynov öz qərarını əhəmiyyətli şəkildə əsaslandırmayıb.
İsmayılov məhkəmənin qərarını sifarişli və ictimai fəaliyyəti ilə bağlı hesab edir. İsmayılov məhkəmənin qərarından şikayət vermək niyyətindədir.
Hüquqşünas öz hüquqi fəaliyyətini rəhbəri olduğu “Viza” firmasında davam etdirəcək.
Mayın 8-də Azərbaycan Vəkillər Kollegiyası Aslan İsmayılovun vəkillik fəaliyyətinin dərhal dayandırılması və onun vəkillikdən çıxarılması haqqında qərar qəbul edib. Kollegiya müvafiq qərar qəbul edilməsi üçün məhkəməyə müraciət edib.
Bu qərar Səbail rayon hakimi Elnur Həsənovun Kollegiyaya şikayəti əsasında qəbul edilib.
Fevralın 10-da İsmayılov Ədliyyə Nazirliyinə bu hakimdən şikayət edib. İki gün sonra o, İsmayılovdan Vəkillər Kollegiyasına şikayət edib.
Qeyd edək ki, Aslan İsmayılov ölkənin korrupsiya, əmlak hüquqlarının pozulması üzrə bir sıra prosesləri aparan ən məşhur vəkillərindən biridir.
İki il əvvəl Azərbaycanda Elçin Namazov vəkillik statusundan məhrum edilib.
Bu yaxınlarda Ağır Cinayətlərə dair İşlər üzrə Məhkəmənin hakimi Zeynal Ağayev vəkil Yalçın İmanovun məsuliyyətə cəlb edilməsi üçün prokurorluğa baş vurmaq niyyətini açıqlayıb. -16D06-
-
- İqtisadiyyat
- 10 Sentyabr 2013 16:21
Siyasət
-
İctimai fəal Nicat İbrahim sentyabrın 6-da Azərbaycandan çıxa bilməyib. Bakı beynəlxalq aeroportunun sərhəd məntəqəsində onu Kişinyov reysinə buraxmayıblar.
-
“Biz Cənubi Qafqazda sülhə nail ola bilərik və bu gün Azərbaycan ilə Ermənistan arasında sülh istiqamətində aparılan danışıqlarda görürük ki, bu mümkündür”, - prezident İlham Əliyev sentyabrın 6-da İtaliyada Çernobio Beynəlxalq Forumunda çıxış edərkən bildirib.
-
ABŞ Müdafiə Kəşfiyyat İdarəsinin Avropa Avrasiya Regional Mərkəzinin rəhbəri Patrik Prioru ABŞ-Azərbaycan təhlükəsizlik əlaqələrinin möhkəmləndirilməsi yolları ilə bağlı Azərbaycan hökumətilə danışıqlar aparmaq üçün Bakıya gəlib. Bu barədə ABŞ-ın Azərbaycandakı səfiri Mark Libbi öz Tvitter hesabında yazıb.
-
Cümə axşamı Ağ Ev Rusiya prezidenti Vladimir Putinə kəskin cavab verərək onu ABŞ-da prezident seçkilərinə müdaxilə etməməyə çağırıb.
Rəy yaz