![Foto: Fərid İsmaylov](https://turan.az/resized/news/2024/48wyW2pF9Iee4dK6SwE5sXjd4CKRjoj8tyYeWlVn-750-500-resize.webp)
Foto: Fərid İsmaylov
Məhkəmə Bəhruz Səmədovun mənzilində qanunsuz axtarış aparılması ilə bağlı şikayətini təmin etməyib
Sentyabrın 5-də Bakının Səbail Rayon Məhkəməsi tədqiqatçı Bəhruz Səmədovun mənzilində axtarış aparılması ilə bağlı şikayətini təmin etməyib.
Sosial şəbəkələrdə yayılan məlumata görə, Səmədov məhkəmə zalına aparılarkən "Yaşasın sülh! Yaşasın xalqların qardaşlığı!" şüarları səsləndirib.
Vəkil Zibeydə Sadıqovanın Turan-a verdiyi məlumata görə, Səmədovun mənzilində məhkəmə qərarı olmadan axtarış aparılıb. Müdafiə tərəfi məhkəmədən axtarış protokolunu qanunsuz hesab etməyi və müsadirə edilmiş əşyaları qaytarmağı xahiş edib. Lakin məhkəmə şikayəti təmin etməyib. Vəkil apellyasiya şikayəti verəcək.
Avqustun 21-də Səmədovun mənzilində axtarış zamanı onun kompüterləri, telefonları, sertifikatları və kitabları müsadirə edilib.
Səmədov avqustun 21-də saxlanılıb, iki gün sonra məhkəmə onu dövlətə xəyanət ittihamı ilə 4 ay müddətinə həbs edib.
Aİ və bir sıra beynəlxalq QHT-lər pasifist baxışları ilə məşhur olan Səmədovun təqibini pisləyib. O, həmçinin Qərb KİV-lərində və analitik nəşrlərdə Azərbaycan hakimiyyətinin ünvanına tənqidi məqalələr və şərhlər dərc etməsi ilə məşhurdur. Səmədov OC Media nəşrinin və https://bakuresearchinstitute.org/ müəllifidir.
-
- İqtisadiyyat
- 5 Sentyabr 2024 14:58
Siyasət
-
MSK-nın ilkin məlumatına görə, Azərbaycan parlamentinin yeni tərkibinə əvvəlki deputatların və dövlət məmurlarının övladları və qohumları olan bir qrup şəxs daxil olub:
-
İsmayıllı Rayon İcra Hakimiyyəti Başçısının İsmayıllı şəhər inzibati ərazi dairəsi üzrə nümayəndəsi Əlişir Süleymanov və rayonunun Diyallı bələdiyyəsinin sədri vəzifəsini icra edən sədr müavini Cahangir Surxayev həbs edilib.
-
Azərbaycanlı jurnalist Əfqan Muxtarlı Avropa İnsan Hüquqları Məhkəməsində (AİHM) Gürcüstana və Azərbaycana qarşı iddianı udub.
-
Sentyabrın 5-i saat 09:55 radələrində Ermənistan silahlı qüvvələrinin bölmələri Basarkeçər rayonunun Yuxarı Zağalı yaşayış məntəqəsi istiqamətindəki mövqelərindən Azərbaycan Ordusunun Kəlbəcər rayonunun Zivel yaşayış məntəqəsi istiqamətində yerləşən mövqelərini atıcı silahlardan atəşə tutub.
Rəy yaz