![Məhkəmə Bəxtiyar Hacıyevin vəsatətini təmin etməyib](https://turan.az/resized/news/2024/3cF6y227cMcFh09kJ0FEY5BKos99XC6QMfNwNQzb-750-500-resize.webp)
Məhkəmə Bəxtiyar Hacıyevin vəsatətini təmin etməyib
Məhkəmə Bəxtiyar Hacıyevin vəsatətini təmin etməyib
Yanvarın 19-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam edib. Hüquq müdafiəçisi Zəfər Əhmədov jurnalistlərə bildirib ki, məhkəmə müdafiə tərəfin vəsatətlərini təmin etməyib.
Vəkillər məhkəmədən Hacıyev barəsində qətimkan tədbirinin dəyişdirilməsini və onun ev dustaqlığına keçirilməsini istəyiblər. Məhkəmə "dindirilməmiş şahidlərin olması və onların təhlükəsizliyinin təmin edilməsi zərurəti kimi absurd bəhanə ilə" bundan imtina edib.
Məhkəmə həmçinin Hacıyevin şüşə qəfəsdən çıxıb vəkillərinin yanında oturması haqqında vəsatəti təmin etməyib. Bu, "zərərçəkmiş qadının" zalda olması və Hacıyevin onu "təhdid edə biləcəyi" ilə əsaslandırılıb.
Müdafiə tərəfi həmçinin qanunsuz yollarla əldə edilmiş dəlillərin iş materiallarından çıxarılması haqqında vəsatət qaldırıb. Buna cavab olaraq hakim bu məsələyə dəlillərin araşdırılması zamanı baxılacağını bildirib.
* Bəxtiyar Hacıyev 9 dekabr 2022-ci il tarixində xuliqanlıq və məhkəməyə qarşı hörmətsizlik (CM-in 221 və 289-cu maddələri) ittihamları ilə saxlanılıb.
Elə həmin ilin iyulunda ona qarşı CM-in 192 (qanunsuz sahibkarlıq), 193-1 (cinayət yolu ilə əldə olunmuş gəlirlərin leqallaşdırılması) və 206-cı (qaçaqmalçılıq) maddələri ilə ittihamlar irəli sürülüb.
Noyabrın 7-də Hacıyevə qarşı CM-in 213.1-ci (vergi, işsizliyə görə, icbari tibbi və sosial sığorta pullarının ödənilməsindən yayınma) maddəsi ilə ittiham irəli sürülüb.
İrəli sürülən bütün ittihamlar saxtalaşdırılıb. Bəxtiyar Hacıyev həbsinin və ona qarşı ittihamların səbəbinin hakimiyyəti tənqid etməsi olduğu qənaətindədir. Hüquq müdafiəçiləri onu siyasi məhbus kimi tanıyıblar.
-
- Siyasət
- 19 Yanvar 2024 17:11
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz