Məhkəmə jurnalistlər Ülvi Həsənli və Sevinc Vaqifqızının ilkin həbs müddətini uzadıb
Bu gün Bakının Xətai Rayon Məhkəməsi “Abzas Media” İnternet-nəşrin direktoru və baş redaktoru Ülvi Həsənli və Sevinc Vaqifqızının həbs müddətini daha 3 ay uzadıb.
Vəkilləri bildiriblər ki, bu qərarlardan apellyasiya şikayəti veriləcək.
Bundan öncə, fevralın 24-də məhkəmə “Abzas Media”nın jurnalisti Nərgiz Absalamovanın həbs müddətini üç ay uzadıb.
Martın 7-də bu iş üzrə daha iki müttəhimin-Hafiz Babalı və Elnarə Qasımovanın ilkin həbs müddəti üç ay uzadılıb.
Jurnalistlər Cinayət Məcəlləsinin 206.3.2-ci maddəsilə (əvvəlcədən əlbir olan bir qrup şəxs tərəfindən qaçaqmalçılıq) ittiham olunurlar.
Həbs olunanlar ittihamları rədd edirlər və hesab edirlər ki, korrupsiya faktlarını araşdırdıqları üçün təqib edilirlər.
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz