Avqustun 30-da Bakı Apellyasiya Məhkəməsi DQMŞ rəhbəri Rüstəm İbrahimbəyovun MSK-da prezidentliyə namizədliyinin əsassız olaraq təsdiqlənməməsi barədə şikayətini təmin etməyib. Bu barədə Turan-a vəkil Fuad Ağayev bildirib.
O, MSK-nın və Apellyasiya Məhkəməsinin qərarlarını əsassız hesab edir. F.Ağayev Ali Məhkəməyə şikayət vermək niyyətində olduğunu bildirib.
MSK R.İbrahimbəyovun prezidentliyə namizədliyini təsdiqləməkdən imtina etməsini onun ikili vətəndaşlığı ilə izah edib.
Lakin R.İbrahimbəyovun sözlərinə görə, “ikili vətəndaşlıq” və “iki vətəndaşlıq” arasında fərq var. İkili vətəndaşlıq iki ölkə vətəndaşının statusunun dövlətlərarası saziş əsasında qarşılıqlı tanınmasını nəzərdə tutur. Lakin Azərbaycanla Rusiya arasında belə saziş yoxdur. –06D--
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz