Məhbus redaktor şərtli barışığı qəbul etmədi
Cümə günü Nərimanov rayon məhkəməsində “Xural” qəzetinin həbsdə olan redaktoru Əvəz Zeynallının Mətbuat Şurasına (MŞ) iddiası əsasında məhkəmə prosesi keçirilib.
Məhkəmə prosesinə səbəb 2011-ci ilin sentyabrında MŞ-nın “Xural” qəzetinin adını “reket qəzet” siyahısına salması olub. Ə.Zeynallı qəzetin adının qara siyahıya salınmasını siyasi sifarişin nəticəsi kimi dəyərləndirib, əsassız sayıb. Həm də təzyiqlərin Prezident Administrasiyasının rəhbəri Ramiz Mehdiyev tərəfindən “Xural”qəzetinin məhkəməyə verilməsilə başlandığı xatırladılıb.
Qəzetin adının qara siyahıya salınmasına səbəb kimi 2011-ci ilin sentyabr ayında MŞ-ya 6 şikayətin daxil olması göstərilib. Ə.Zeynallı MŞ üzvü olmadıqları üçün bu qurumun qəzet barəsində hər-hansı qərar qəbul etməsini absurd adlandırıb. MŞ-nın özünü isə ölkədə müstəqil mətbuatı məhv etməkdə ittiham edib. Baş redaktor məhkəmə prosesində adlarının qara siyahıya salınmasına səbəb olan 5 şikayətin hər birinin araşdırılmasının vacibliyini vurğulayıb.
Proseisn gedişində hakim tərəflərə barışıq təklif edib. MŞ-nın təmsilçisi Müşfiq Ələsgərli müəyyən şərtlər əsasında barışığa getməyin mümkünlüyünü deyib. Ə.Zeynallı qəzetin adının qara siyahıdan çıxarıldığı halda barışığa hər-hansı problem qalmayacağını nəzərə çatdırıb.
Məhkəməyə vəsatətlərini təqdim edən Ə.Zeynallı ölkənin bir sıra mətbu və informasiya oqranları rəhbərlərinin şahid qismində dəvət olunmasını istəyib.
MŞ-ya daxil olan 5 şikayət ərizəsinin yazılmasına səbəb olan məqalələrin müstəqil ekspertlər tərəfindən araşdırılmasını tələb edib.
Cavabdeh tərəfin hüquqşünası Şəmsəddin Əliyev MŞ-nın leksikonunda “reket” ifadəsi olduğunu inkar etsə də, Ə.Zeynallının “o zaman MŞ-nın Reket jurnalistikayla mübarizə Komissiyasının fəaliyyəti nədən ibarətdir?” sualına cavab verə bilməyib. Ş.Əliyev baş redaktorun iddialarını əsassız saysa da, bunu sübut etməkdə çətinlik çəkib.
Bundan sonra hakim məhkəmə prosesini sentyabrın 2-si saat 11:00-dək təxirə salıb. -05D-
Siyasət
-
Bu gün Bakı Ağır Cinayətlər Məhkəməsində I qrup əlil, iflicli fəal Famil Xəlilovun cinayət işi üzrə hazırlıq iclası başa çatıb.
-
Sentyabrın 11-də Bakı Apellyasiya Məhkəməsində Turan agentliyinin iqtisadiyyat şöbəsinin redaktoru Hafiz Babalının "İki sahil"qəzetinə qarşı şikayətinə baxılıb.
-
Sentyabrın 12-də Mərkəzi Seçki Komissiyasının iclasında 1 sentyabr parlament seçkiləri zamanı 33 saylı Xətai Birinci Seçki Dairəsinin yeddi seçki məntəqəsində pozuntu aşkar edilməyib.
-
Fransa bu ölkə vətəndaşı Teo Klerkin Azərbaycanda məruz qaldığı “açıq-aşkar ayrı-seçkilik xarakterli özbaşına rəftarı” pisləyib. “Teo Klerk metroda qraffiti çəkdiyinə görə üç il həbs cəzasına məhkum edilib. Eyni əməllərə görə onunla birgə təqsirləndirilən iki nəfər isə cərimə cəzasına məhkum ediliblər”. Bu barədə Fransa Xarici İşlər Nazirliyinin şərhində deyilir.
Rəy yaz