Məmmədyarovun altıncı müavini təyin edilib?

Bakı/16.05.18/Turan: Azərbaycanda prezident seçkilərindən sonra ləğv edilmiş Dövlət Standartlaşdırma Komitəsinin keçmiş rəhbəri Ramiz Həsənov ölkənin xarici işlər nazirinin müavini vəzifəsinə təyin edilib, bu barədə yerli KİV-lər məlumat yayıb. XİN-dən bu məlumatı nə təsdiq, nə də təkzib edirlər.

Həsənov 1961-ci ildə Gürcüstanın Marneuli rayonunda dünyaya gəlib. 1983-cü ildə Moskva Dövlət Beynəlxlaq Münasibətlər İnstitutunu bitirib.

Elə həmin dövrdə MDBMİ-də, məlum olduğu kimi, Azərbaycan prezidenti İlham Əliyev də təhsil alırdı.

1983-1990-cı illərdə Həsənov SSRİ-nin Xarici Ticarət Nazirliyində, 1990-92-ci illərdə isə Azərbaycan Nazirlər Kabineti nəzdində xarici iqtisadi əlaqələr komissiyasında, daha sonra ölkənin Xarici İqtisadi Əlaqələr Nazirliyində işləyib.

1997-2004-cü illərdə Həsənov "Azərkontrakt" ASC (Dövlət Maddi-Texniki Təchizat Komitəsinin yerinə) sədrinin birinci müavini, 2004-2005-ci illərdə Azərbaycanın Gürcüstandakı səfiri vəzifəsində işləyib.

2005-ci ildən Dövlət Standartlaşdırma Komitəsinin rəhbəri olub.

Həsənovun nazir müavini vəzifəsinə təyin edilməsi haqqında məlumat doğrudursa, o, xarici siyasət idarəsinin başçısının altıncı müavini olacaq.

Qeyd edək ki, nazir müavinləri Hafiz Paşayev, Mahmud Məmmədliyev, Araz Əzimov, Xələf Xələfov, Nadir Hüseynovdur. - 06D-