Milli Məclis Avropa Parlamentində Qarabağla dostluq qrupunun yaradılması haqqında

Bakı Avropa Parlamentində Dağlıq Qarabağla dostluq qrupunun yaradılmasına təmkinli reaksiya verir.

Bu gün dünyada ədalət prinispi işləmir, buna və ikili standartlar siyasətinə öyrəşməliyik, deyə Milli Məclisin spikeri Oqtay Əsədov cümə günü parlamentin iclasında belə bir qrupun yaradılmasını şərh edərkən bildirib.

Əsədov deputatları bu məsələ ilə bağlı çox kəskin çıxış etməməyə çağırıb. “Avropa Parlamenti və Dağlıq Qarabağ dostluq qrupunun yaradılması haqqında məlumat yalnız erməni KİV-ləri tərəfindən yayılmış qeyri-rəsmi məlumatdır. Bu məsələ ilə bağlı heç bir rəsmi təsdiq yoxdur”, deyə o bildirib.

Öz növbəsində, deputat Fazil Mustafa Milli Məclisin Avropa Parlamentinin ünvanına xüsusi müraciətin hazırlanması təşəbbüsü ilə çıxış edib.

Deputat Qənirə Paşayeva Azərbaycanın işğal edilmiş əraziləri haqqında xüsusi qanun layihəsi hazırlamağı təklif edib. Onun sözlərinə görə, XİN-in Azərbaycanın işğal edilmiş ərazilərinə səfər edənlərin qara siyahlınarının yaradılması üzrə işi kifayət etmir.

Daha sərt tədbirlərə ehtiyac var, işğal edilmiş ərazilər haqqında ayrıca qanun layihəsi hazırlamaq və ölkənin ərazi bütövlüyünün pozulmasının yolverilməz olduğunu qanunvericilikdə təsbit etmək lazımdır.

Onun sözlərinə görə, Gürcüstanda artıq belə bir normativ qanun qəbul edilib və bu, müsbət nümunədir.  -02D-