Bu gün Milli Məclisin yaz sessiyası açılıb. 2015-ci ilin ilk plenar iclasının gündəliyinə 11 məsələ daxildir.
Parlament saytının məlumatında deyilir ki, deputatlar MM-in İnzibati və Hesablama komissiyalarında islahatlarla əlaqədar məsələləri, həmçinin parlamentin yaz sessiyasının qanunvericilik fəaliyyətinin planını müzakirə etmək niyyətindədir.
İlk iclasın gündəliyinə həmçinin Azərbaycanla Macarıstan arasında hava əlaqəsi haqqında hökumətlərarası saziş və strateji tərəfdaşlıq üzrə birgə bəyannamənin təsdiqi daxildir.
Eyni zamanda “Yanğın təhlükəsizliyi haqqında”, “Fövqəladə hallar üzrə orqanlarda xidmət haqqında”, “Əhalinin sağlamlığının qorunması haqqında”, “Yol polisi haqqında”, qanunlara düzəliş və dəyişikliklərin edilməsinə dair qanun layihələri müzakirəyə çıxarılacaq.
Deputatlar “Reklam haqqında” qanuna da baxacaqlar. --17D—
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz