Bu gün Milli Məclisin spikeri Oqtay Əsədov AŞPA sessiyasında Azərbaycan nümayəndə heyətinin Krımın anneksiyası və Donbas separatçılarına dəstəklə əlaqədar rusiyalı deputatların səlahiyyətlərinin dayandırılmasının əleyhinə səs verməsini şərh edib.
“Biz bu sanksiyalara qoşulmuruq, biz bunun əleyhinəyik”, - O.Əsədov vurğulayıb. Onun sözlərinə görə, bununla da Azərbaycanın “işğalçını dəstəkləməsi” barədə fikirlər əsassızdır.
“Qətiyyən belə deyil. Biz sadəcə, sanksiya əvəzinə dialoqa tərəfdarıq. Həmin Avropa Dağlıq Qarabağ məsələsində ermənilərə qarşı sanksiya əvəzinə bizə dialoq təklif edir. Biz də onlara həmin variantı təklif edirik.
Bu o demək deyil ki, biz Ukraynaya qarşı mənfi mövqe tuturuq. Biz bütün münasibətlərdə Ukraynanın ərazi bütövlüyünü dəstəkləyirik”, - O.Əsədov qeyd edib.
Dövlət Dumasının sədri Sergey Narışkin Azərbaycan nümayəndə heyətinin hərəkətini yüksək qiymətləndirib.
Xatırladaq ki, AŞPA ötən həftə sessiyada Rusiya nümayəndə heyətinə qarşı sanksiyanı 2015-ci ilin aprelinədək uzadıb. Buna cavab olaraq Rusiya bir il müddətinə AŞPA-nın işində iştirakdan imtina edib. -16D-
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz