Milli Şura: Bu, dövləti cinayətdir

Demokratik Qüvvələrin Milli Şurası “Nardaran hadisələri” çərçivəsində həbs edilən qeydə alınmamış “Müsəlman Birliyi” Hərəkatının sədri Tale Bağırzadədən işəncə yolu ilə Şura sədri Cəmil Həsənli və AXCP sədri Əli Kərimlinin əleyinə ifadə alınması cədlərinə dair bəyanat yayıb. 

Müəlliflər 2015-ci il  noyabrın 26-da Nardaranda Azərbaycan tarixinə qara ləkə kimi düşəcək hadisənin baş verdiyini qeyd edir, kənddə yerləşən evlərin birində namaza oturan dinc vətəndaşlara qarşı silalı basqın nəticəsində ikisi polis əməkdaşı olmaqla altı nəfərin qətlə yetirilməsini “Azərbaycan tarixinə qara ləkə” adlandırırlar.

“Milli Şura bütünlükdə Nardaran hadisələrini yaydığı ilkin bəyanatda faciə adlandırıb, altı nəfər qətlə yetirilmiş vətəndaşımızın zülmün, ədalətsizliyin, səriştəsizliyin və dövlət məsuliyyətsizliyinin qurbanı olduğunu qeyd edib”.

Müəlliflər zaman keçdikcə Nardaranda baş verən olayın əsl mahiyyətinin üzə çıxmaqda olduğunu bəyan edirlər və bu hadisəni belə dəyərləndirirlər: “İndi artıq məsuliyyətlə Nardaran hadisələrinin təkcə faciə deyil, həm də ağır cinayət olduğunu, soydaşlarımızın isə səriştəsizlik və dövlət məsuliyyətsizliyinin deyil, dövlət hakimiyyət orqanları tərəfindən hazırlanmış və amansizlıqla həyata keçirilmiş dəhşətli cinayətin qurbanı olduqlarını deyə bilərik”.

Hadisə baş verən vaxt çoxlarını düşündürən açıq suallar vardı: hüquq-mühafizə orqanlarının bu hadisələrlə bağlı video-materialları        niyə cəmiyyətə    təqdim etməməsinin çoxsaylı suallar yaratdığı vurğulanır. Niyə terrora qarşı mübarizə kimi təqdim edilən və DİN tərəfindən planlı şəkildə həyata keçirilən əməliyyatın videoçəkilişləri təqdim edilmir?

Sənəddə “Müsəlman Birliyi Hərəkatı”nın rəhbəri T.Bağırzadənin polisin, prokurorluğun, Milli Təhlükəsizlik Nazirliyinin istənilən çağırışına əsasən təyin olunmuş vaxtda həmin orqanlara könüllü şəkildə getdiyi xatırladılır və bundan irəli gələrək Nardaranda mülki vətəndaşların, qadınların, uşaqların yaşadığı evə amansız silahlı basqın həyata keçirildiyinin səbəbinin anlaşılmazlığı qeyd olunur.

Müəlliflər 2016-cı il iyulun 19-da T.Bağırzadənin Bakı Ağır Cinayətlər Məhkəməsində ondan dəhşətli, ağlasığmaz işgəncələr altında Milli Şura, onun liderləri Cəmil Həsənli və Əli Kərimlinin Nardaran hadisələrinin təşkilatçıları olmaları barəsində ifadə verməsinin tələb olunduğunu bəyan etdiyini xatırladırlar.

Sənəddə hakimiyyətin Milli Şuranı ləkələmək yolu tutmasının yeni məsələ olmadığı deyilir və bəzi məqamlar xatırladılır. Müəlliflər hakimiyyətin biu addımını belə dəyərləndirirlər: “Bütün bunlar hakimiyyətin dövlət resurslarından – güc strukturlarından və tamamilə nəzarətə aldığı televiziya imkanlarından öz siyasi opponentini sıradan çıxarmaq üçün sui-istifadəsi kimi yolverilməzdir”.

Sənəddə deyilir ki, “Müsəlman Birliyi” Hərəkatının sədri Tale Bağırzadənin böyük dəyanət və kişilik nümunəsi göstərərək dəhşətli işgəncələrə dözüb sınmadığı bəlli olduqda Milli Şuranı və AXCP-ni hansısa formada Nardaran hadisələrinə bağlamaq üçün AXCP sədrinin müavini Fuad Qəhrəmanlı həbs edilib. Müəlliflərə görə, Fuad Qəhrəmanlı vicdan məhbusudur və onun yeganə günahı AXCP sədrinin müavini və Milli Şuranın üzvü olmasıdır.

Bəyanatda Əliyev rejiminin öz siyasi alternativini- Milli Şuranı qanunsuz yollarla sıradan çıxarmaq, məhv etmək cəhdləri qətiyyətlə pislənilir, Azərbaycan hakimiyyətindən bu antimilli təcrübəyə son qoymağı, bu siyasi oyunun qurbanı olan və şərlənərək həbs olunan bütün siyasi məhbusların dərhal azad olunması tələb edilir.—06В--