Demokratik Qüvvələrin Milli Şurasının (DQMŞ) üzvləri Sülhəddin Əkbər və Eldar Namazov cümə axşamı ABŞ-ın Azərbaycan səfirliyində görüş keçiriblər. Bu haqda Turan-a MŞ üzvü S.Əkbər bildirib.
O qeyd edib ki, görüşdə danışıqlar Milli Şuranin keçirilməsini nəzərdə tutduğu 18 avqust aksiyası ilə bağlı olub. MŞ təmsilçiləri rəsmi Bakının sərbəst toplaşmaq azadlığını tam məhdudlaşdırmasını ABŞ diplomatlarının nəzərinə çatdırıblar. Bakının mərkəzində kütləvi aksiyaların keçirilməsini birmənalı olaraq qadağan halına salındığı vurğulanıb. Rəsmi Bakının aksiyanın keçirilməsi üçün əlverişli olmayan “20-ci sahə”ni göstərəcəyi deyilib. Səfirlik təmsilçilərinə Milli Şuranın bundan imtina etməyəcəyi qeyd olunub. Qurum təmsilçiləri bu xüsusda səfirlikdən vətəndaşların aksiyaya gəlişinə mane olmamağı rəsmi Bakının nəzərinə çatdırmağı xahiş ediblər.
Öz növbəsində ABŞ səfirliyinin müvəqqəti işlər vəkili Berek Hoqan aksiyanın monitorinqini keçirəcələrini və hökumətlə bu xüsusda təmas quracaqlarını söyləyib.-05B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz