Demokratik Qüvvələrin Milli Şurası (DQMŞ) ölkədə repressiyaların güclənməsinə, vətəndaş cəmiyyəti fəallarına qarşı təzyiqlər və son həbslərə etiraz bəyanatı qəbul edib.
Bəynatda 2013-cü ilin saxta prezident seçklirəindən sonra hakimiyyəti mənimsəyən İlham Əliyev rejiminin tənqidi fikirlərə dözümsüzlük nümayiş etdirdiyi nəzərə çatdırılır. Ölkədə avtoriar rejimi tam bərqərar etmək üçün repressiyaların gücləndirdiyi, qanunsuz həbslərin genişləndiyi deyilir.
Son aylar vətəndaş cəmiyyəti fəallarına, tanınmış jurnalistlərə, müxalif siyasi partiya təmsilçilərinə qarşı təzyiq və həbslərin xronologiyası təqdim edilir.
Bəyanatda əksini tapan xronologiyada təqib, təzyiq və həbsə məruz qalan 10-a qədər ictimai-siyasi fəalların adları çəkilir.
Bu faktları müəlliflər vətəndaş cəmiyyətini, ictimai-siyasi fəalları susdurmaq üçün rəsmi Bakının qısa zaman kəsiyində atdığı antikonstitusiyon və antidemokratik addımlar adlandırırlar. Müəlliflərə görə, insan haqları və azadlıqları tələbinə öz vətəndaşı əleyhinə rəsmi Bakını ikinci bir avtoritar rejimlə müqayisə etmək çox çətindir.
Tanınmış jurnalist və ictimai fəal Xədicə İsmayılovanın həbsilə bağlı ittihamlar “absurd və gülməli” adlandırılır. “Bu hakimiyyətin insanlıq və demokratiya adına bütün qırmızı xətləri keçməsinin bir daha göstəricisidir” deyə rəsmi Bakının addımlarına qiymət verilir. Bu həbs rəsmi Bakının azad vətəndaş cəmiyyəti, media önündə “qorxu və çarəsizliyi” kimi dəyərləndirilir.
X.İsmayılovanın həbsi rəsmi Bakının ABŞ başda olmaqla Qərb dünyasına “meydan oxuması” sayılır və bu həbsin siyasi olması xüsusi vurğulanır. “Ən dəhşətlisi odur ki, bütün bunlar XXI əsrdə baş verir və dünyanın dəyişdiyi, hüququn aliliyinə tapındığı bir əsrdə baş verir” deyə müəlliflər rəsmi Bakının mədəni dünyaya saymazlığını ifadə edirlər.
Müəlliflərə görə X. İsmayılovanın həbsi jurnalist araşdırmaları, ictimai həyatda diktatura rejiminə qarşı mübarizədə prinsipiallığı ilə bağlıdır.
Son olaraq müəliflər rəsmi Bakıdan X. İsmayılovaya və digər ictimai-siyasi fəallara qarşı irəli sürülən ittihamları ləğv etməyə, repressiyaları durdurmağı, həbsdə olan bütün siyasi məhbusları dərhal azadlığa buraxmağı tələb edirlər.-05D-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz