Milli Şuraya qarşı internet-təbliğat

İnternetdə Milli Şuranı – ölkənin demokratik qüvvələrinin seçkiqabağı birliyini nüfuzdan salmaq məqsədi ilə yaradılmış sayt peyda olub.

Təxribatçı Milli-Shura.org saytının domeni dünən, iyulun 25-də qeydiyyata alınıb, resurs özü isə İnternetə iyulun 26-da çıxıb.

Sayt WordPress sisteminin bazasında yaradılıb. Onun yaradıcısı kimi Almaniyada Azərbaycanlı siyasi mühacir Həbib Müntəzir göstərilir. Lakin o, operativ olaraq saytla əlaqəsi olduğunu təkzib edib.

Server Rusiya, Moskva, Vasili Petuşkov küç., 3, ofis № 326 ünvanında qeydiyyata alınıb. Bu, bir sıra kommersiya qurumlarının yerləşdiyi ofis mərkəzidir.

Domen formal olaraq yalnız istifadə olunmayan bir resurs üçün açılıb, amma sonradan Milli-Shura.org olaraq dəyişdirilib.

Son vaxtlar bütün növ hökumət KİV-lərində və hökumətyönlü mətbuatda siyasi müxalifət və ictimai xadimlər tərəfindən formalaşdırılmış Milli Şuraya qarşı çirkin ləkəyaxma kampaniyası güclənib. Milli Şuranın oktyabr prezident seçkilərində vahid namizədi məşhur dramaturq Rüstəm İbrahimbəyovdur. -0-