Mişustin Bakıya iki günlük səfərə gəlir
Rusiyanın baş naziri Mixail Mişustin martın 5-də Azərbaycana iki günlük işgüzar səfərə gəlir.
RF hökumətinin mətbuat xidmətinin məlumatına görə, səfər zamanı Mişustin prezident İlham Əliyev və baş nazir Əli Əsədovla görüşlər keçirəcək.
Danışıqlar zamanı Rusiya-Azərbaycan ticari-iqtisadi əməkdaşlığının inkişafı ilə bağlı məsələlər kompleksinə nəzər salınması planlaşdırılır.
"Energetika, nəqliyyat, sənaye, mədəniyyət-humanitar və digər sahələrdə birgə layihələrin təşviqinə xüsusi diqqət yetiriləcək. Görüşlərin və danışıqların yekunlarına görə bir neçə hökumətlərarası və idarələrarası sənədlərin imzalanacağı gözlənilir", deyə məlumatda bildirilir.
TASS agentliyinin məlumatına görə, Azərbaycanda Rusiya iştirakı olan 1,4 mindən çox müəssisə fəaliyyət göstərir, onların 300-ə yaxını 100% Rusiya sərmayəsinə malikdir. 2023-cü ildə RF-nin Azərbaycan iqtisadiyyatına birbaşa investisiyaları 295 mln. dollar təşkil edib.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz