Moskva və Kiyev Krım körpüsünün partladılmasında bir-birini ittiham edir

Bakı/12.11.22/Turan: Oktyabrın 8-də Krım körpüsündə terror aktının təşkilatçısı Ukrayna hərbi kəşfiyyatının rəhbəri Kirill Budanovdur, partlayıcı maddə Bolqarıstan, Gürcüstan və Ermənistan ərazisindən keçməklə Odessadan gətirilib. Bu barədə oktyabrın 12-də Rusiya Federal Təhlükəsizlik Xidməti məlumat yayıb.

FTX terror aktının hazırlanmasının beşi Rusiya, üçü Ukrayna və Ermənistan vətəndaşı olan səkkiz iştirakçısını saxlayıb. Ümumilikdə terror aktının hazırlanmasının 12 iştirakçısı müəyyən edilib. 

Polietilen rulon şəklində partlayıcı maddə avqustda Odessadan Bolqarıstana göndərilib. Oradan yük dəniz yolu ilə Gürcüstanın Poti limanına, oradan isə Yerevana aparılıb. Yerevanda yük gömrük rəsmiləşdirməsindən keçib və sənədlər dəyişdirilib.

Oktyabrın 4-də yük Verxniy Lars buraxılış məntəqəsindən Rusiya-Gürcüstan sərhədini keçib və oktyabrın 6-da Krasnodar vilayətinin Armavir şəhərində topdansatış bazasına çatdırılıb.

Orada yükün sənədləri yenidən dəyişdirilib, alıcı olaraq isə Krımda mövcud olmayan bir firma göstərilib. Yük Rusiya vətəndaşı Mahir Yusubovun avtomobilinə yerləşdirilib. Avtomobil Krım körpüsündən keçərkən partlayış törədilib, deyə FTX-nin məlumatında bildirilir.

Öz növbəsində, Ukrayna tərəfi bu ittihamları təkzib edib, körpünün partladılmasının FTX-nin əməli olduğunu bildirib. Xüsusən, ukraynalılar FTX-nin təqdim etdiyi yük maşınının rentgen görüntüsü körpüyə girişdə videomüşahidə kamerasının görüntülərindəki real yük maşının fotoşəklinə uyğun deyil.

Bundan başqa, rentgendə partlayıcı maddə görünmür, bu maddəni gizlətmək qeyri-mümkündür. 02B