Sentyabrın 13-də Azərbaycan Mərkəzi Seçki Komissiyası Müsavat Partiyasından deputatlığa namizəd Gülağa Aslanlının şikayəti əsasında 21 saylı Nəsimi-Binəqədi Seçki Dairəsinin 30 saylı seçki məntəqəsində parlament seçkilərinin nəticələrini etibarsız hesab edib.
Həmişə olduğu kimi, bu, bütünlükdə dairə üzrə seçkilərin nəticəsinə təsir etməyib, bu dairə üzrə hakim Yeni Azərbaycan Partiyasından namizəd, sonuncu çağırış parlamentin deputatı Məlahət İbrahimqızı liderlik edir.
MSK həmçinin deputatlığa namizəd, fəal Şəhriyar Məcidzadənin şikayəti əsasında 97 saylı Tərtər-Ağdərə-Goranboy seçki dairəsi üzrə üç məntəqədə seçkilərin nəticələrini ləğv edib.
Bu dairədə də nəticələrin ləğv olunması seçkilərin ümumi nəticəsinə təsir etməyib. Burada da hakim partiyadan namizəd, sonuncu çağırış parlamentin deputatı Anar Məmmədov liderlik edir.
MSK daha dörd dairə - 17 saylı Yasamal üçüncü, 22 saylı Nəsimi-Yasalamal və 120 saylı Cəbrayıl-Qubadlı, 8 saylı Binəqədi birinci seçki dairəsi üzrə şikayətlərə baxıb, lakin onları təmin etməyib.
Siyasət
-
On beynəlxalq hüquq-müdafiə təşkilatı Avropa Şurası Parlament Assambleyasının üzvlərinə müraciət edərək Azərbaycanın bu qurumda səlahiyyətlərinin dayandırılmasını təsdiqləməyə və onların bərpası üçün dəqiq meyarları müəyyən etməyə çağırıb.
-
Nyu-Yorkda yerləşən Jurnalistləri Müdafiə Komitəsi Azərbaycan hakimiyyətinin “Toplum” TV-nin jurnalistlərinə qarşı altı yeni ittiham irəli sürmək qərarını və bu nəşrin daha bir müxbirinin həbsini pisləyib.
-
Yanvarın 21-də Tehranda keçirilən görüşdə İran prezidenti Məsud Pezeşkian və Azərbaycan baş nazirinin müavini Şahin Mustafayev iqtisadi sahədə ikitərəfli münasibətlərin möhkəmləndirilməsi məsələlərini müzakirə ediblər.
-
Yanvarın 21-də Bakıda Qarabağ separatçılarının cinayət işi üzrə hazırlıq iclası davam edib.
Rəy yaz