Sentyabrın 21-də MSK sentyabrın 19-da İctimai Televiziyanın efirində seçkiqabağı təşviqat qaydalarının pozulması ilə bağlı namizədlərin qarşılıqlı şikayətlərinə baxıb.
Belə ki, Demokratik Qüvvələrin Milli Şurasının namizədi Cəmil Həsənli onu təhqir edərək butulka atan Hafiz Hacıyevdən (Müasir Müsavat Partiyasının sədri) şikayət edib.
Öz növbəsində prezidentliyə namizəd, hazırki dövlət başçısı İlham Əliyevin nümayəndəsi Əli Əhmədov C.Həsənlidən şikayət edib, guya sonuncu dövlət başçısını təhqir edib.
Həmçinin bu insidentlə bağlı İctimai Televiziyanın bəyanatı oxunub. Bəyanatda bildirilib ki, guya C.Həsənli təşviqat qaydalarını pozaraq efir vaxtından nəzərdə tutulduğundan 6 dəqiqə 12 saniyə çox istifadə edib.
Sonda hər iki namizədə xəbərdarlıq edilib. Lakin insidentə H.Hacıyev təhrik etsə də və C.Həsənlinin sağlamlığına zərər vura biləcək hərəkətə əl atsa da ona adi xəbərdarlıq edilib.
Prezidentin və onun ailəsinin gəlir mənbələri barədə hesabat tələb edən C.Həsənliyə isə “ciddi xəbərdarlıq” olunub.
Bütün ölkənin şahidi olduğu hadisələrlə bağlı bu cür qərarın çıxarılması ölkədə müstəqil İctimai televiziyanın və müstəqil KİV-in olmadığını açıq-aydın göstərir.—06D--
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz