MSK Rüstəm İbrahimbəyovun namizədliyini təsdiq etməkdən imtina etdi
Bu gün MSK 23-24 yanvar İsmayıllı hadisələri ilə əlaqədar həbs edilmiş ReAl hərəkatının lideri İlqar Məmmədovun prezidentliyə namizədliyini təsdiq edib.
Bir müddət əvvəl, avqustun 24-də Məmmədovun təsdiq edilməsi məsələsi MSK tərəfindən qeyri-müəyyən müddətə təxirə salınmışdı. Ayın 26-da onun vəkili MSK-dan Bakı Apellyasiya Məhkəməsinə şikayət verib.
Bu gün, avqustun 27-də MSK gözlənilmədən Məmmədovun prezidentliyə namizədliyini təsdiq edib.
Eyni zamanda, MSK Demokratik Qüvvələrin Milli Şurasının əsas vahid namizədi Rüstəm İbrahimbəyovun qeydiyyatından imtina edib.
MSK öz qərarını İbrahimbəyovun Rusiya vətəndaşlığı olması və son 10 ildə Azərbaycanda daimi yaşamaması ilə əsaslandırıb. Sərhəd xidmətinin məlumatına görə, son 10 ildə o, cəmi 1163 gün ölkədə olub.
Lakin MSK-nın Ümid Partiyasından olan üzvü İqbal Ağazadə bu imtinanın əsassız olduğunu bildirib, belə ki, hələki vaxt var və “bəlkə də Rusiya prezidenti elə sabah onu vətəndaşlıqdan məhrum edəcək”.
İbrahimbəyov MSK-nın qərarından apellyasiya məhkəməsinə şikayət verə bilər.
İbrahimbəyovun vəkili, DQMŞ üzvü Fuad Ağayev Turan-ın bu məsələ ilə bağlı sualına cavabda deyib ki, bu mövzuda İbrahimbəyovun özü ilə məsləhətləşməlidir. -06D-
Siyasət
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
-
Azərbaycan və İndoneziya arasında diplomatik pasport sahiblərinin vizasız səfərləri barədə razılıq əldə edilib. Müvafiq hökumətlərarası sazişi sentyabrın 27-də Nyu-Yorkda Birləşmiş Millətlər Təşkilatı Baş Assambleyasının 79-cu sessiyası çərçivəsində keçirilən görüşdə Azərbaycan və İndoneziyanın xarici işlər nazirləri Ceyhun Bayramov ilə Retno Marsudi imzalayıblar.
Rəy yaz