Çərşənbə axşamı müdafiə naziri Zakir Həsənov Böyük Britaniyanın Azərbaycandakı səfiri Kerol Meri Kroftsu qəbul edib, onunla regiondakı hərbi-siyasi vəziyyəti müzakirə edib, bu barədə hərbi idarənin mətbuat xidmətinin məlumatında deyilir.
Tərəflər iki ölkə arasında hərbi-texniki əməkdaşlıq üçün böyük potensial olduğunu və bu imkanların genişləndirilməsinin əhəmiyyətini qeyd ediblər. Görüşdə həmçinin hərbi təhsil sahəsində əldə edilmiş razılaşmaların həyata keçirilməsi, hərbi ingilis dili kurslarının davam etdirilməsi və bu kursların dinləyicilərinin sayının artırılması zərurəti vurğulanıb.
Tərəflər həmçinin müdafiə, terrorizmə qarşı mübarizə və sülhməramlı əməliyyatlar sahəsində əməkdaşlıq haqqında fikir mübadiləsi aparıblar.
Səfir Böyük Britaniyanın Azərbaycandakı yeni hərbi attaşesi, polkovnik-leytenant Devid Ethelli təqdim edib. -02D-
Siyasət
-
Yanvarın 29-da keçirilən bələdiyyə seçkilərində altı seçki məntəqəsinin nəticələri ləğv edilib.
-
"Bütün siyasi məhbusların azad olunmasını tələb edirik. Siyasi məhbusların sağlıq durumuna görə hakimiyyət məsuliyyət daşıyır", - fevralın 3-də Müsavat Partiyası Divanının (İdarə Heyəti) iclasında bildirilib.
-
Turan agentliyinin iqtisadiyyat şöbəsinin redaktoru Hafiz Babalanın Qafqazinfo.az İnternet- nəşrə qarşı iddiasına baxılması əsassız olaraq yubadılır. Babalı “Abzas Media” nəşrinin işi üzrə həbs edilib.
-
Dövlət başçısının sərəncamı ilə Rüfət Əzizov Azərbaycan Dövlət Neft və Sənaye Universitetinin rektoru təyin edilib.
Rəy yaz