Bakı/02.11.18/Turan: Azərbaycan Müdafiə Nazirliyinin Peyk Rabitəsi İdarəetmə Mərkəzi istifadəyə verilib, bu barədə noyabrın 2-də hərbi idarənin mətbuat xidməti məlumat yayıb.
Müdafiə Nazirliyinin rəhbərliyi mərkəzin işi ilə tanış olub. Nazir Zakir Həsənova məlumat verilib ki, təhlükəsizlik tədbirləri nəzərə alınmaqla peyk rabitə sistemi əsasən avtonom işləyən mərkəzi yerüstü stansiya, mobil və daşınan peyk rabitəsi vasitələri olaraq "Azərkosmos" ASC-nin peyki üzərindən fəaliyyət göstərir.
Bu peyk rabitə sistemi hücum və müdafiə əməliyyatlarında qoşunların mobil hərəkəti və çevik yerdəyişməsi zamanı komanda məntəqələri arasında səsli və mətn (DATA) məlumat mübadiləsinin təmin edilməsi üçün təyin edilib.
Müdafiə Nazirliyinin rəhbərliyi bütün növ hərbi kommunikasiya avadanlıqlarına texniki xidməti və onların təmirini təmin edən mərkəzin fəaliyyəti və texniki imkanları ilə tanış olub. -02D-
Siyasət
-
Noyabrın 14-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda bir qrup fəal Rusiyanın Ukraynaya qarşı müharibəsinə etiraz olaraq aksiya keçirib.
-
Ermənistan-Azərbaycan münaqişəsində vasitəçi rolunu oynamağa çalışan ABŞ və Aİ heç nə fikirləşə bilməyib, yalnız Moskvanın ideyalarını götürərək, sülh prosesini özlərinə "uyğunlaşdırmaq" üçün onların mahiyyətini təhrif edib. Lakin onların əsl məqsədi regionu "nəzarətləri altına" götürmək, oraya daxil olub, Rusiyanı, həm də İran və Türkiyəni sıxışdırıb çıxarmaq idi.
-
Xankəndidə oktyabrın 20-də vəfat etmiş 70 yaşlı erməni qadın Vera Aqasiyanın cəsədi 15 gündən artıqdır ki, təhvil verilməyib. Azərbaycan mediasının məlumatına görə, Beynəlxalq Qızıl Xaç Komitəsi (BQXK) gecikmənin səbəbi barədə açıqlama verməyib.
-
Noyabrın 14-də Bakıda keçirilən COP29 konfransının keçirildiyi yerdə bir qrup fəal "Pay up" ("Ödəmə vaxtıdır") şüarı altında aksiya keçirib.
Rəy yaz