Münhendə təhlükəsizlik konfransı açılır
Münhendə təhlükəsizlik konfransı açılır
Fevralın 16-da Münhendə 60-cı beynəlxalq təhlükəsizlik konfransı - dünyada təhlükəsizlik məsələləri üzrə ən nüfuzlu forum öz işinə başlayır.
Tədbirdə 50 ölkənin dövlət və hökumət başçıları da daxil olmaqla, 180 yüksək vəzifəli nümayəndə iştirak edir.
Konfransın əsas mövzuları Ukrayna və Yaxın Şərqdə, habelə Somali, Sudan və Qaitidəki müharibələr olacaq. Digər mühüm mövzular birgə yaşayışın əsası kimi beynəlxalq hüququn aliliyi, BMT Təhlükəsizlik Şurasında mümkün islahatlar və iqlim dəyişiklikləri olacaq.
Hazırkı Münhen Konfransının ən görkəmli qonağı Vladimir Zelenski olacaq. Ukrayna məsələsinə dair gündəlikdəki sual Qərb müttəfiqlərinin Ukraynanın Rusiya təcavüzünü dəf etməsi üçün yardımı davam etdirə bilməsi ilə bağlıdır.
Konfransın digər bir mühüm mövzusu Qəzzə bölgəsindəki dramatik vəziyyət və Yaxın Şərqdə münaqişənin dinc həll yolunun ümidsiz axtarışıdır. Münhen forumunda İsraili prezident İtzhak Hersoq və XİN başçısı İzrael Kats təmsil edirlər. Konfransda Fələstin Milli Administrasiyasının və qonşu ərəb dövlətlərinin - Qatar, Səudiyyə Ərəbistanı, İordaniya və Misirin yüksək vəzifəli nümayəndələri də iştirak edirlər.
Konfransda daha bir müzakirə mövzusu Respublikaçılar Partiyasından ABŞ prezidentliyinə namizəd Donald Trampın müdafiə üçün ÜDM-in iki faizi həcmində müəyyən edilmiş normanı ödəməyən NATO ölkələrinin müdafiəsindən imtina etmək təhdidləri olacaq.
Konfransda ona yaxın respublikaçı konqresmen iştirak edir və forum iştirakçıları onlardan bununla bağlı açıqlama eşitməyə ümid edirlər. Münhen konfransında ABŞ-ın vitse-prezidenti Kamala Harris və dövlət katibi Entoni Blinken də iştirak edirlər.
Azərbaycan prezidentinin və Ermənistan baş nazirinin də konfransda iştirak edəcəyi gözlənilir.
-
- Maliyyə
- 16 Fevral 2024 13:21
-
- İqtisadiyyat
- 16 Fevral 2024 14:25
Siyasət
-
Mayın 25-dən Bakı İstintaq Təcridxanasında aclıq aksiyası keçirən Azərbaycan Xalq Cəbhəsi Partiyasının (AXCP) fəalı Elnur Həsənov iyunun 1-də aclığı dayandırıb.
-
Cümə günü bir qrup Fələstin tərəfdarı Azərbaycanın neft şirkəti Socarın İstanbuldakı ofisinə hücum edib.
-
İyunun 1-də Xətai Rayon Məhkəməsi iqtisadçı Fərid Mehralızadə barəsində 3 ay 20 gün müddətinə həbs qətimkan tədbiri seçib. Ailə üzvlərinin verdiyi məlumata görə, ona qarşı "Abzas Media-nın işi" çərçivəsində Cinayət Məcəlləsinin 206.3.2-ci maddəsi (qaçaqmalçılıq) ilə ittiham irəli sürülüb.
-
İyunun 1-də Bakının Nərimanov Rayon Məhkəməsi istintaq orqanının Demokratik Qüvvələrin Milli Şurasının və Müsavat Partiyasının üzvü Tofiq Yaqublu barəsində həbs qətimkan tədbirinin daha 20 gün uzadılması haqqında təqdimatını təmin edib, bu barədə Turan-a onun vəkili Nemət Kərimli bildirib.
Rəy yaz