Avqustun 25-də Bakı-Şamaxı yolunda baş vermiş avtomobil qəzasının təhqiqatı zamanı avtomobildə olan Müsavat Partiyasının sədrinin müavini Tofiq Yaqublunun qızı Nigar Yaqublu cinayət məsuliyyətinə cəlb olunub. Qəza zamanı Müsavat Partiyası Məclisinin üzvü Aydın Acalov həlak olub.
DİN-in məlumatına görə, avqustun 25-də Bakı-Şamaxı yolunun 13 km.-də Ağcabədi sakini Sadiq Xəlilovun idarə etdiyi KAMAZ-5320 yük avtomobili
A.Acalova məxsus Peugeot-206 avtomobili ilə toqquşub. A.Acalov həlak olub, N.Yaqublu isə yaralanıb.
Fakt üzrə CM-in 263.2 maddəsi ilə (nəqliyyat vasitəsinin istismar qaydasının pozulması) cinayət işi qaldırılıb.
İlkin təhqiqat zamanı N.Yaqublu bildirib ki, maşını A.Acalov idarə edib. Lakin istintaq hesab edir ki, sükan arxasında sürücülük vəsiqəsi olmayan N.Yaqublu olub. DİN-in məlumatına görə, qəza onun günahı üzündən baş verib. Sentyabrın 6 və 7-də Yaqublu ifadə vermək üçün çağırılıb, lakin istintaqdan yayınıb.
Sentyabrın 10-da N.Yaqublu cinayət-prosessual qanunvericiliyin tələblərinə uyğun olaraq şübhəli şəxs kimi saxlanılıb. Həmin gün məhkəmə onu 2 ay müddətinə həbs edib.
Lakin KAMAZ sürücüsünün taleyi haqda açıqlama verilmir.
N.Yaqublunun atası qızının istintaqdan gizlənməsi barədə məlumatı təkzib edib. “Polisin bütün çağırışlarına getmişik”, - T.Yaqublu bildirib. O, DİN-in bəyanatını yalan və onun müxalifət fəaliyyətinə görə “qisas” adlandırıb.
Bundan əlavə, onun sözlərinə görə, polis qızının hüquqlarını pozub. Sentyabrın 9-da məhkəmə
həbs qətimkan tədbirinin seçilməsi barədə işə baxılmasını təxirə salıb, bununla belə, polis sutkalarla qızı həbsdə saxlayıb.
Bu cür işlərdə məhkəmə bitməyənə qədər müttəhimlər həbs olunmasa da, N.Yaqublunu xəsarət alması nəzərə alınmadan həbs ediblər. T.Yaqublu qəzanı ətraflı şərh etməyib. “Mən təfərrüatına varmaq istəmirəm. Bununla vəkillər məşğul olur”, - T.Yaqublu qeyd edib.
Öz növbəsində vəkil Osman Kazımov deyib ki, hazırda iş materialları ilə tanış olur və bir qədər sonra şərh verəcək.—16B06-
Siyasət
-
Plastik cərrahiyyə fəaliyyətinə dair saxta sertifikatların verilməsinə görə Səhiyyə Nazirliyinin məmurlarına cinayət işi açılıb. Bu barədə Baş Prokurorluq və Səhiyyə Nazirliyinin 27 dekabr tarixli birgə məlumatında deyilir.
-
Rusiyanın hava hücumundan müdafiə sistemi səhvən AZAL-ın təyyarəsinə hücum etsə də, Rusiya buna görə məsuliyyət daşıyır. Bu barədə bu gün Müsavat Partiyası bildirib.
-
AZAL Bakıdan Rusiyanın digər üç şəhərinə – Nijni Novqorod, Vladiqafqaz və Saratova sərnişin reyslərini dayandırır. Bu barədə AZAL-ın 27 dekabr tarixli məlumatında deyilir.
-
Ermənistan oktyabrda Xankəndidə vəfat etmiş yaşlı erməninin cənazəsini qəbul etməkdən imtina edir. Əgər erməni tərəfi yanvarın sonuna qədər qadının cənazəsini qəbul etməsə, o, Azərbaycanda dəfn olunacaq. Bu barədə Azərbaycanın Əsir və itkin düşmüş, girov götürülmüş vətəndaşlarla əlaqədar.
Rəy yaz