Müsavat partiyasının Divanı bazar ertəsi növbəti toplantı keçirib. Bu xəbər Turan-a partiyadan verilib.
Toplantıda Demokratik Qüvvələrin Milli Şurasının (DQMŞ) vahid namizədi Cəmil Həsənlinin sentyabr ayının 28-də “Məhsul” stadionunda seçicilərlə görüş-mitinqinin, sentyabrın 29-da Mingəçevir və Bakı şəhərlərində gənclər və seçicilərlə görüşlərinin yüksək səviyyədə keçirildiyi qeyd edilib. Oktyabrın 9-na qədər keçiriləcək görüşlərdə fəallığın daha da artırılması məqsədəuyğun saylıb.
Divanda günahsız olaraq həbsdə saxlanılan Müsavat Partiyası başqanının müşaviri Yadigar Sadıqov, REAL Hərəkatının sədri İlqar Məmmədov, AXCP Gənclər Komitəsinin üzvü Dəyanət Babayev barəsində yeni saxta məhkəmələrin keçirilməsi, fikir və söz azadlığından istifadə etdiyinə görə “Tolışi Sədo” qəzetinin baş redaktoru Hilal Məmmədova məhkəmənin sifarişli qərarı ilə 5 il həbs cəzası verilməsi, Türkel Kərimlinin əsassız həbsi, Əli Gülaliyevin 8 gün öncə bıçaqlanmasına baxmayaraq, heç bir istintaq hərəkətinin aparılmaması seçki kampaniyası dövründə Azərbaycan reallıqlarını əks etdirən faktlar kimi dəyərləndirilib.
Divan ölkədə baş verən bu qanunsuz hərəkətlərin seçki kampaniyası dövründə də davam etməsini iqtdiarın azad seçki mühitinin yaranmasına qarşı olmasının sübutu kimi qiymətləndirir. İqtidardan günahsız həbs olunan insanların azad olunaraq seçkilərdə iştirak etməsinə şərait yaratması tələb edilir. -05D-
Siyasət
-
İran İslam İnqilabı Keşikçiləri Korpusu (SEPAH) bildirib ki, onun Quru Qoşunları İranın şimal-qərbində Azərbaycan Respublikası Ordusu ilə birgə hərbi təlimə başlayıb.
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
Rəy yaz