![Müsavatçı 3 ton heroinlə bağlı iş üzrə tənqidi fikirlərinə görə saxlanılıb](https://turan.az/resized/media/2014/main/072400085078-750-500-resize.webp)
Müsavatçı 3 ton heroinlə bağlı iş üzrə tənqidi fikirlərinə görə saxlanılıb
Ötən gün saxlanılan Müsavat Partiyası gənclər təşkilatının sədr müavini Fərəc Kərimli sosial şəbəkələrdə psixotrop maddələrin təbliğində təqsirli bilinir. Bu barədə Turan-a DİN mətbuat xidmətinin şöbə müdiri Orxan Mansurzadə bildirib.
Onun sözlərinə görə, Fərəc Kərimli operativ məlumat əsasınsda polis əməkdaşları tərəfindən saxlanılıb. Baxış zamanı üzərindən narkotik maddə tapılıb.
Xatırladaq ki, F.Kərimli iyulun 23-də anasını müalicə üçün Bakı Sağlamlıq Mərkəzinə apararkən saxlanılıb. Gənc reanimasiya şöbəsinin qarşısında saxlanılıb.
Müsavat Partiyasının şöbə müdiri Elman Fəttahın sözlərinə görə, F.Kərimlinin harada saxlandığı hələlik məlum deyil.
O, F.Kərimlinin sosial şəbəkələrdə psixotrop maddələri təbliğ etməsini “absurd” adlandırıb.
“Əslində DİN etiraf edir ki, gəncin həbsi onun sosial şəbəkələrdəki fəaliyyəti ilə bağlıdır. F.Kərimli 3 ton heroinin Azərbaycandan tranziti və Gürcüstanda saxlanması barədə yazmışdı”, - E.Fəttah vurğulayıb.
Öz növbəsində Müsavat Partiyasının lideri İsa Qəmbər özünün Facebook səhifəsində yazıb:
“Müsavatçı gənc Fərəc Kərimovun həbsi avtoritar Əliyev rejimi ilə demokratik qüvvələr arasında mübarizənin həlledici mərhələyə daxil olmasının daha bir sübutudur. Biz haqq və ədalət, azadlıq və ləyaqət yolunda olduğumuz üçün qələbə bizimlə olacaq. Avtoritar rejimlərin məğlubiyyəti qaçılmazdır və Əliyev rejimi də məğlubiyyətə məhkumdur. Müsavatın, demokratik qüvvələrin, gənclərin qələbəsi labüddür və bu qələbənin qarşısını heç bir qüvvə ala bilməz. Kim nə deyir desin, özünüzə və yolumuza bir an belə şübhə etməyin, gənclər!”.
Xatırladaq ki, bir neçə gün əvvəl Gürcüstan hakimiyyəti Azərbaycandan daşınan 3 ton maye heroin tutub. Rəsmi Bakı belə yükün bütün ölkə boyunca maneəsiz necə hərəkət etməsi barədə suala cavab verə bilməyib. Bunun əvəzinə güc qurumları belə bir şeyin olmadığını bildirirlər.-16D-
-
- Cəmiyyət
- 24 İyul 2014 14:24
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz