Açiq mənbələrdən foto.
Bakı/30.08.22/Turan: Bu gün Moskvada Azərbaycan və Ermənistan hökumətləri baş nazirlərinin müavinləri - Şahin Mustafayev və Mqer Qriqoryanın sədrliyilə iki ölkə sərhədlərinin delimitasiyası və sərhəd təhlükəsizliyi üzrə dövlət komissiyalarının ikinci iclası keçirilib.
Azərbaycan Xarici İşlər Nazirliyinin məlumatında deyilir ki, görüşdən əvvəl iki ölkə nümayəndə heyətlərinin rəhbərləri Rusiya hökuməti baş nazirinin müavini Aleksey Overçuk ilə görüşüb və o, komissiyaların işinin davam etdirilməsini alqışlayıb.
Görüşdə təşkilati və prosedur məsələləri müzakirə olunub, komissiyaların gələcək fəaliyyəti və birgə fəaliyyətin tənzimlənməsilə bağlı fikir mübadiləsi aparılıb.
Görüşün yaxşı təşkilinə görə Rusiya tərəfinə təşəkkür edilib və üçüncü görüşün razılaşdırılmış müddətdə keçirilməsinə dair razılıq təsdiq edilib, məlumatda deyilir.—06B-
Siyasət
-
Azərbaycan Prezidenti İlham Əliyev noyabrın 25-də Amerika Birləşmiş Ştatlarının Prezidenti Donald Trampa zəng edib.
-
Siyasi Menecment İnstitutunun direktoru, politoloq Azər Qasımlı bu gün saat 16:00-da Bakı Şəhər Baş Polis İdarəsinə çağırılıb. Bu barədə o, Facebook-da yazıb.
-
Səhiyyə Nazirliyinin İctimai Səhiyyə və İslahatlar Mərkəzi publik hüquqi şəxsin mülki müdafiə qərargahının rəisi, hərbi ekspert Ədalət Verdiyev həbs edilib.
-
Bazar ertəsi Bakı Apellyasiya Məhkəməsi talış tarixinin tədqiqatçısı İqbal Əbilovun həbsinin 4 ay uzadılması barədə şikayətə baxıb.
Rəy yaz