![Müstəqil hüquqşünaslar Cəmil Həsənlini dəstəkləyirlər](https://turan.az/resized/750/500/resize/media/2013/main/091000049053.jpg)
Müstəqil hüquqşünaslar Cəmil Həsənlini dəstəkləyirlər
Bir qrup müstəqil hüquqşünas Cəmil Həsənlınin Milli Şura tərəfindən prezidentliyə namizəd irəli sürülməsi ilə bağlı bəyanat yayıb.
Müəlliflər qarşıdakı prezident seçkilərini nəzərdə tutaraq hazırda ölkənin mühüm tarixi dövr yaşadığını qeyd edirlər. Çoxsaylı prezidentliyə namizədlərin irəli sürülməsinə diqqət çəkən müəlliflər bu sirada C.Həsənlini xüsusi fərqləndirirlər.
Onun dünyada nüfuzlu siyasi xadim və alim olaraq tanındığını xüsusi olaraq önə çəkirlər. Millət vəkili kimi çalışdığı zamanlarda daim xalqın yanında olmasını xatırladırlar. Belə keyfiyyətlərinə görə C.Həsənlinin xalqın yanında rəğbəti olduğunu bildirirlər.
Müəlliflər ölkədə siyasi, sosial, iqtisadi sahədəki qanunsuzluqlara, korrupsiyaya, rüşvətə, insan hüquqlarının kütləvi pozulmasının dövlət siyasətinə çevrilməsinə qarşı mübarizənin daim C. Həsənlinin hədəfində olduğunu qeyd edirlər. Onun cəmiyyətin inkişafına mane olan hazırkı rejimin avtoritar siyasətinə qarşı əsl vətəndaş, ziyalı mövqeyi nümayiş etdirdiyi nəzərə çatdırılır.
Son olaraq müəlliflər Milli Şuranın prezidentliyə vahid namizədi C.Həsənlini xalqın etimadını doğruldacaq şəxs kimi dəstəklədiklərini, seçki prosesində, eləcə də seçkilərdən sonra zəruri hüquqi dəstək göstərməyi özlərinə şərəfli borc hesab saydıqlarını bəyan edirlər.
Bəyanatı hüquqşünaslar Mətləb Mütəllimli, Vidadi Mirkamal, Ənnağı Hacıbəyli, Sədiyar Zeynalov, Aslan Ismayılov, Namizəd Səfərov, Vidadi İsgəndərli, Qurban Məmmədov, Ataxan Əbilov, Əlövsət Əliyev, Samir İsayev, Tofiq Ağacanov, Elşad Abdullayev, Cəmal Əhmədov, Eldar Qurbanov, Mənsum Bayramov imzalayıblar. -05D-
-
- Siyasət
- 10 Sentyabr 2013 12:56
-
- İqtisadiyyat
- 10 Sentyabr 2013 13:26
Siyasət
-
Gürcüstan Miqrasiya Xidmətinin nümayəndəsi Azel TV saytının Tbilisi İstintaq Təcridxanasında saxlanılan təsisçisi Əfqan Sadıqova baş çəkib. Bu barədə sentyabrın 5-də Əfqana baş çəkən həyat yoldaşı Sevinc Sadıqova bildirib.
-
MSK-nın ilkin məlumatına görə, Azərbaycan parlamentinin yeni tərkibinə əvvəlki deputatların və dövlət məmurlarının övladları və qohumları olan bir qrup şəxs daxil olub:
-
Sentyabrın 5-də Bakının Səbail Rayon Məhkəməsi tədqiqatçı Bəhruz Səmədovun mənzilində axtarış aparılması ilə bağlı şikayətini təmin etməyib.
-
Avropa İnsan Hüquqları Məhkəməsi (AİHM) bu gün "Əhmədov və digərləri Azərbaycana qarşı" işi üzrə qərarını elan edib. Şikayət Azərbaycan Xalq Cəbhəsi Partiyasının fəalları Niyaməddin Əhmədov, Faiq Əmirov, Elnur Yusubov və Elnur Həsənovun inzibati həbsi zamanı yol verilən qanunsuzluqlara və onların toplaşmaq azadlığının məhdudlaşdırılmasına aid idi.
Rəy yaz