Bakı/02.05.19/Turan: Bakı Şəhər İcra Hakimiyyəti Demokratik Qüvvələrin Milli Şurasının mayın 5-də və 11-də "Məhsul" stadionunda mitinq keçirməsinə icazə verməyib.
Bu barədə DQMŞ-nin Koordinasiya Mərkəzinin üzvü İlham Hüseyn bildirib.
Onun sözlərinə görə, meriya 19 yanvar mitinqində qanun pozuntularına istinad edərək, aksiya keçirilməsini "məqsədəuyğun" görməyib.
Hüseyn qeyd edib ki, aksiyanın "Siyasi məhbuslara azadlıq!", "Talana yox!" şüarları altında, ölkədən qanunsuz çıxarılmış pul vəsaitlərinin qaytarılması tələbi ilə keçirilməsi planlaşdırılırdı.
Hakimiyyətin imtinasını şərh edən Hüseyn bunu hakimiyyət daxilində anlaşılmazlığın, bəyan edilən islahatların uğursuzluğunun göstəricisi adlandırıb. "Hakimiyyət artıq 8-ci dəfədir müxalifətin mitinq keçirməsinə icazə vermir. Bu, Avropa Şurası qarşısında toplaşmaq azadlığının təmin edilməsi öhdəliklərinin pozulması deməkdir. Əlbəttə, biz məhkəməyə müraciət edəcəyik, məsələ ədalətli həllini tapmasa işi Strasburq Məhkəməsinə qədər aparacağıq", deyə Hüseyn bildirib. -06D-
Siyasət
-
Azərbaycan prezidenti İlham Əliyev yanvarın 20-də Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlib.
-
Azərbaycan vətəndaşı Fərid Səfərli İran həbsxanasından azad edilərək ölkəsinə qaytarılıb.
-
Hazırda 1 saylı Bakı İstintaq Təcridxanasında saxlanılan “III Respublika Platforması”nın (ResPlatforma) spikeri Akif Qurbanov ailəsinə məxsus əmlaka həbs qoyulması ilə bağlı açıqlama yayıb. Açıqlama Qurbanova məxsus olduğu bildirilən facebook səhifəsində dərc edilib.
-
Azərbaycan Xalq Cəbhəsi Partiyasının fəalı Niyaməddin Əhmədov həbs cəzası çəkdiyi 7 saylı penitensiar müəssisədə aclıq elan edib. Bu barədə Azərbaycan Xalq Cəbhəsi Partiyasının məlumatında deyilir. Aclığa səbəb Əhmədovun karserə salınmasıdır.
Rəy yaz