Navalnının öldüyü bildirilir

Cümə günü Rusiyanın Federal Penitensiar Xidmət İdarəsi Aleksey Navalnının cəzaçəkmə müəssisəsində öldüyü haqqında məlumat yayıb. Məlumatda deyilir ki, Navalnı gəzintidən sonra huşunu itirib. Cəzaçəkmə müəssisəsinin həkimləri təcili yardım çağırıblar.

"Bütün zəruri reanimasiya tədbirləri həyata keçirilib, lakin bu tədbirlər müsbət nəticə verməyib. Təcili tibbi yardım həkimləri məhkumun öldüyünü bildiriblər. Ölüm səbəbləri araşdırılır", deyə məlumatda bildirilir.

* "Korrupsiyaya qarşı Mübarizə Fondu"nun rəhbəri Aleksey Navalnı Vladimir Putinin ən kəskin tənqidçisi idi. O, uydurma ittihamla 19 il müddətinə azadlıqdan məhrum edilmişdi və cəzasını qütb dairəsinin o tayında ən ağır şəraitdə çəkirdi.

Həmkarlarının sözlərinə görə, Navalnı FTX əməkdaşları tərəfindən zəhərlənib, lakin möcüzəvi şəkildə sağ qalıb.

Navalnı həmkarları ilə Putinin sevgililəri və onun üçün Qara Dənizdə 1 mlrd. dollarlıq sarayın tikintisi haqqında araşdırmalar apardıqdan sonra dələduzluq və ekstremizm ittihamı ilə həbs edilmişdi.