NDİ təşkilatının Azərbaycanda fəaliyyəti bərpa olunub

Azərbaycan hakimiyyəti Amerika Milli Demokratik İnstitutunun (NDİ) dövlət qeydiyyatını bərpa edib. Ədliyyə Nazirliyinin mətbuat xidmətindən Turan-a bu məlumatı təsdiq edərək bildiriblər ki, NDİ ilə müvafiq saziş imzalanıb və təşkilat qeydiyyata alınıb.

Qeyd edək ki, Nazirlər Kabinetinin 16 mart 2011-ci il tarixli qərarına əsasən xarici QHT-nin ölkədə fəaliyyət göstərmək üçün Ədliyyə Nazirliyi ilə yazılı razılığı olmalıdır. 

Lakin bu qərardan əvvəl 2011-ci il martın 10-da Azərbaycan hakimiyyəti NDİ və Norveç İnsan Haqları Evinin bölməsini – “İnsan Haqları Evi”nin fəaliyyətini dayandırmışdı. Buna səbəb kimi Ədliyyə Nazirliyi ilə razılaşmanın olmaması göstərilmişdi.

Ədliyyə Nazirliyinə çoxsaylı müraciətlərə baxmayaraq, Norveç təşkilatının qeydiyyatı bərpa olunmayıb.

Artıq  NDİ Azərbaycanda siyasi partiyalarla və vətəndaş cəmiyyəti ilə işinə dair layihələrin reallaşmasını davam etdirə bilər. 

Vikiliks-in materiallarına görə, məhz NDİ-in fəaliyyəti rəsmi Bakını qıcıqlandırıb və Ramiz Mehdiyevin timsalında Prezident Administrasiyası dəfələrlə ABŞ səfirlərindən “radikal müxalifətin dəstəklənməsinə” son qoyulmasını tələb edib.—06B-