Avqustun 21-də Naxçıvanda döyülən hüquq müdafiəçisi və jurnalist İlqar Nəsibov bu gün günün ikinci yarısında məhkəmə-tibbi ekspertizasından keçirilib.
Onun həyat yoldaşı, hüquq müdafiəçisiMəlahət Nəsibovanın Turan-a verdiyi məlumata görə, ekspertizadan gələnlər İ.Nəsibovun sınıqlarını, tikişlərini yazıblar.
“Mən müstəntiqdən soruşdum ki, araşdırmanın nəticəsi barədə nə zaman məlumat alacayıq, o, mənə dedi ki, araşdırmanın nəticəsi bir həftə sonra məlum olacaq”, deyə o,bildirib .
Bununla belə, Məlahət Nəsibova İlqar Nəsibovun tomoqrafiya nəticələrinin Beynəlxalq Sərhədsiz Həkimlər Təşkilatına da göndərildiyini deyib.
“Beyin silkələnməsinə görə İlqara tərpənmək olmaz. Ola bilsin, təşkilat Naxçıvana həkim göndərsin”.
Məlahət Nəsibova deyir ki, ABŞ-n Azərbaycandakı səfirliyi ona zəng edərək, məsələni izlədiklərini və nəzarətdə saxladıqlarını bildiriblər. -16B-
2014 Avqust 25 (Bazar ertəsi) 11:58:47
Hüquq müdafiəçisi İlqar Nəsibovun vəhsiçısinə döyülməsindən üç gün keçsə də polis fakt üzrə cinayət işi qaldırmayıb. Bundan əlavə, indiyədək məhkəmə-tibbi ekspertiza keçirilməyib. Bunu Turan-a İ.Nəsibovun xanımı Məlahət Nəsibova bildirib.
Onun sözlərinə görə, hüquq-mühafizə orqanları araşdırmanın nəticələri və cinayət işinin açılıb-açılmaması barədə məlumat vermirlər.
İ. Nəsibovun səhhətinə gəlincə, M.Nəsibova onun vəziyyətinin stabil ağır olduğunu bildirib. O, Naxçıvanda vəziyyəti nəzərə alaraq, təhlükəsizlik məqsədilə müalicənin evdə davam etdirilməsini vacib sayıb.
M. Nəsibova bu cinayətin araşdırılmasından hakimiyyətin faktiki olaraq imtina etməsi ilə bağlı hüquq- mühafizə orqanlarından şikayət edəcəyini də istisna etməyib.
ABŞ senatoru Ben Kardin İ.Nəsibovun döyülməsinə reaksiya verib. O, Facebook səhifəsində Azərbaycan hökumətini İ.Nəsibovun döyülməsi faktının hərtərəfli araşdırılmasına çağırıb.
“ İlqar Nəsibov uzun illər jurnalist və hüquq müdafişçisi kimi çalışıb və biz onunlayıq”, - Kardin bildiirb.
Xatırladaq ki, Naxçıvan polisi bildirib ki, İ.Nəsibov vətəndaş Fərid Əsgərovla yaranan məişət münaqişəsi zəminində döyülüb.
M.Nəsibova bunun yalan olduğunu bildirib. Onun fikrincə, İlqara hücum hakimiyyətin onların rəhbərlik etdiyi Resurs Mərkəzinin fəaliyyətini məhv etmək məqsədilə qisas almasıdır. -16В-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz