Növbədə Eçmiadzində çevriliş var?
Yerevan/07.06.18/Turan: İyunun 6-da Erməni kilsəsi idarəsinin və onun rəhbərinin - katolikosun ofisinin yerləşdiyi Eçmiadzində katolikosun istefası tələbi ilə üsyan başlayıb.
Ermənistan KİV-nin məlumatına görə, kilsə xadimlərindən biri Koryun Arakelyan bildirib ki, katolikos Qaregin "zorla və KQB-nin təzyiqi altında seçilib".
"Bizim katolikosda hər bir dindarın tanrıya hiss etdiyi qədər inancı yoxdur. Kilsəmizin azad edilməsinin, təmizlənməsinin və qüsursuz davranışı olan, dualar oxuyan və dindarları sevən nöqsansız patriarxımız olmasının zamanı çatıb", deyə Surb Qayane monastırının başçısı Koryun Arakelyan bildirib.
Bir qrup keşişin katolikosun istefasının tələb etməsinin səbəbi haqqında suala cavabda Koryun Arakelyan deyib: "Bu yaxınlarda Sardarapatda baş nairimizi sevgi və hörmətlə qarşıladılar, katolikos isə miskin və səfil vəziyyətdə idi, heçkim ona yaxınlaşıb xeyir-dua istəmədi. Buna baxmaq ağır idi, tanrı mənə çıxış edib katolikosun dinc şəkildə istefasını tələb etmək gücü verib".
"Böyük təəssüflə deməliyəm ki, II Qareginin adı nüfuzdan düşüb, biz internetdə onun biznesi haqqında yüzlərlə məqalə görürük.
Katolikos xalqını sevməli və rüşvət və zorakı əməllər vasitəsilə kürsüyə oturmamalıdır".
Öz növbəsində, Eçmiadzinin nümayəndəsi katolikos Qareginin onun istefasını tələb edən din xadimlərini iyunun 7-də görüşə dəvət etdiyi haqqında bəyanat yayıb.
Buna cavabda Koryun Arakelyan deyib: "Biz danışıqlara deyil, öz tələbimizi irəli sürmək üçün gedirik. Tələb yerinə yetirilməsə etiraz aksiyaları hər gün davam edəcək".
Yerevanda hakimiyyət dəyişdikdən və Qarabağda bir sıra istefalardan sonra məxmər inqilab erməni kilsəsinə də çatdı. Göründüyü qədər, Eçmiadzində hakimiyyətin dəyişməsi qaçılmazdır. -02D-
-
- Maliyyə
- 7 İyun 2018 13:47
Siyasət
-
Mayın 4-də Bakının Əmircan qəsəbəsindək Səttar Bəhlulzadə adına Mədəniyyət Evində Müsavat Partiyasının XI Qurultayı açılıb. Qurultayda 300-dən çox nümayəndə iştirak edib.
-
Bu gün Azərbaycan prezidenti İlham Əliyev Xankəndi Şəhər Prokurorluğunun yaradılması haqqında sərəncam imzalayıb.
-
Konqresmen-demokrat Henri Kuelyar və onun həyat yoldaşı İmeldaya qarşı Azərbaycanın dövlət energetika şirkətindən 600 min dollara yaxın məbləğdə rüşvət almaq ittihamı irəli sürülüb, xəbəri New York Tomes yayıb.
-
İctimai fəal Elgiz Qəhrəman mayın 3-də "Abzas Medianın işi" üzrə şahid qismində dindirilib. Bu barədə jurnalistlərə o özü bildirib.
Rəy yaz