Bakı/09.11.21/Turan: Rusiyanın Qarabağdakı sülhməramlı kontingentinin noyabrın 9-na olan informasiya bülletenində Şuşa şəhəri yaxınlığında atəşkəs rejiminin pozulması ilə bağlı məlumatlar dərc olunub.
“Rusiya sülhməramlı kontingentinin məsuliyyət zonasında atəşkəs rejiminin bir pozulması faktı qeydə alınıb. Noyabrın 8-də saat 13.40-da (Moskva vaxtı ilə) Şuşaya yaxın ərazidə Dağlıq Qarabağdan olan 4 nəfərdən ibarət işçi qrupu Azərbaycan tərəfdən atəşə tutulub. Nəticədə 3 nəfər yaralanıb, 1 nəfər həlak olub.
Rusiya sülhməramlı kontingentinin komandanlığı Azərbaycan və Ermənistan tərəfləri ilə birlikdə insidentlə bağlı araşdırma aparır”, - deyə məlumatda bildirilib.
Azərbaycan Müdafiə Nazirliyi bu məsələ ilə bağlı açıqlama verməyib. Ermənistan tərəfinin məlumatına görə, atəşi bir Azərbaycan əsgəri açıb. -02D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz