• contact.az Contact
  • Bakı
  • Overcast10.20 C
  • Çərşənbə, 13 Noyabr 2024
    • flag_EN
    • flag_RU

Son yenilənmə

(5 saat əvvəl)
OCCRP-dən İlham Əliyevə xoşagəlməz yeni il sürprizi
A- A A+
EN RU
Turan İnformasiya Agentliyi
Turan İnformasiya Agentliyi

OCCRP-dən İlham Əliyevə xoşagəlməz yeni il sürprizi

Azərbaycan prezidenti ilk dəfə beynəlxalq OCCRP (Mütəşəkkil cinayətkarlıq və korrupsiya haqqında reportaj) layihəsi çərçivəsində "İlin adamı" adlandırılıb.

 
Bu mükafat müxtəlif ölkələrin bir qrup KİV və QHT-ləri tərəfindən 2012-ci ildə cinayətkarlıq və korrupsiya hadisələrində görkəmli yer tutan şəxsə verilir. 
 
OCCRP-nin press-relizində deyilir ki, Əliyev ona görə seçilib ki, bu il onun ailəsinin müxtəlif sahələrdə - telekommunikasiya, faydalı qazıntılar, inşaat və sənaye sahəsində dövlət sövdələşmələri vasitəsilə böyük şəxsi gəlir əldə etməsi ilə bağlı çoxsaylı faktlar məlum olub.
 
Bu mükafatın sahibini OCCRP-ni təşkil edən 60 jurnalist və 15 KİV seçib. 
 
Siyahıda ikinci yeri alban narkobaronu Naser Kelmendi, Özbəkistan prezidenti İslam Kərimov və Rusiya prezidenti Vladimir Putin tutub.
 
OCCRP Sarayevo və Buxarestdə təsis edilib, 20 ölkədən müstəqil araşdırma mərkəzlərinin, KİV və araşdırmaçı jurnalistlərin qeyri-kommersiya konsorsiumudur. Onun məqsədi bütün dünya oxucularına mütəşəkkil cinayətkarlıq və korrupsiyanın necə fəaliyyət göstərdiyi haqqında məlumat verməkdən ibarətdir. 
 
Azərbaycan prezidenti Amerika diplomatik məlumatlarındakı mafiya bossu ilə müqayisə edilirdi və bir çox analitiklər onu diktator adlandırır. Əliyevlər ailəsinin mütəmadi olaraq ölkədə ən gəlirli bizneslərin aksiyalarını ələ keçirdiyi göz önündədir. 2012-ci ildə OCCRP və "Azad Avropa" radiosunun araşdırmaları onun ailəsinin ölkənin ən iri müəssisələrində, o cümlədən banklarda, inşaat şirkətlərində, qızıl mədənlərində və telefon şirkətlərində gizli mülkiyyət payları olduğuna dair sənədli dəlillər üzə çıxarıb. Onlar həmçinin məxfi şəkildə xaricdə  daşınmaz əmlak əldə ediblər. Azərbaycan hökuməti bu ittihamlara cavabda susub. Hakimiyyət bu faktları araşdıran jurnalist Xədicə İsmayılovanın təqib və şantaj edilməsi faktlarını araşdıra bilməyib.
 
Azərbaycan israrla bütün dünyada öz imicini yaxşılaşdırmağa çalışsa da, bu ilin hesabatları daha çox kiçik diktaturaya bənzəyən mənzərə ortaya çıxarır.
 
 
Həvəsləndirici mükafatları alanlar: 
 
Naser Kelmendi: Kelmendi və onun oğulları bütün Avropada alban siqaret və narkotiklərinin qaçaqmalçılığı ilə məşğul olur. ABŞ hakimiyyəti onu avtoritet adlandırıb, İnterpol isə onun həbsi üçün beynəlxalq icazə çıxarıb.
 
Milo Cukanoviç: Monteneqro prezidenti və baş katibi olub və mütəşəkkil cinayətkarlıq faktları ilə bağlı KİV-də tez-tez adı çəkilib. Monteneqro da Avropada ən çox korrupsiyaya uğramış ölkələr sırasında nüfuzunu qoruyub saxlayıb, Cukanoviç və onun ailə üzvləri isə, demək olar ki, 10 il boyunca ölkəyə şəxsi biznesləri kimi baxıblar. Bu il OCCRP Cukanoviç ailəsinin banklarının dövlət ehtiyatları hesabına maliyyələşdirilməsi, onların cinayətkar və offşor korporasiyalara təminatsız böyük məbləğli kreditlər verməsi ilə bağlı məlumatlar toplayıb. -0-

Rəy yaz

Siyasət

Bizi sosial şəbəkələrdə izləyin

Xəbər lenti