Overçuk və Mustafayev "Rusiya-Azərbaycan münasibətlərinin möhkəmləndirilməsi məsələləri"ni müzakirə ediblər

Moskvada Rusiya və Azərbaycan hökumətlərinin baş nazir müavinləri Aleksey Overçuk və Şahin Mustafayevin görüşü olub.

"Danışıqlarda Rusiya Federasiyası və Azərbaycan Respublikası arasında iqtisadi əməkdaşlıq üzrə hökumətlərarası komissiyanın işinin gündəliyinə daxil olan ikitərəfli ticarət-iqtisadi əməkdaşlığın aktual məsələlərinə baxılıb", - Rusiya Federasiyası hökumətinin saytında deyilir.

Tərəflər ticarət-iqtisadi sahədə, sənaye, energetika, nəqliyyat, kənd təsərrüfatı, maliyyə, səhiyyə, mədəniyyət, elm, regionlararası qarşılıqlı fəaliyyət, təhsil və turizm sahələrində əməkdaşlığın inkişafına xüsusi diqqət yetiriblər.

Hökumətlərarası komissiyanın həmsədrləri Rusiya-Azərbaycan münasibətlərinin əməkdaşlığın bütün istiqamətləri üzrə möhkəmləndirilməsinə yönəlmiş konstruktiv dialoqun davam etdirilməsinə hazır olduqlarını təsdiqləyiblər.

Qeyd edək ki, məlumatda Azərbaycan və Ermənistan arasında nəqliyyat kommunikasiyalarının, əsasən Zəngəzur dəhlizinin açılması ilə bağlı məsələlərin müzakirəsi barədə heç nə deyilməyib.

Bundan əvvəl bu məsələlər Overçuk, Mustafayev və Ermənistanın baş nazir erməni müavini Qriqoryanın iştirakı ilə üçtərəfli işçi qrupu çərçivəsində müzakirə edilib.

Ancaq son vaxtlar bu formatda görüşlər keçirilmir.