![Özbəkistanda televiziya efirində İslam Kərimovun adını anmaq qadağan edilib](https://turan.az/resized/750/500/resize/media/2018/main/082400012647.jpg)
Özbəkistanda televiziya efirində İslam Kərimovun adını anmaq qadağan edilib
Bakı/24.08.18/Turan: Özbəkistanda telekanalların əməkdaşlarına efirdə ölkənin birinci prezidenti, 2016-cı ildə vəfat etmiş İslam Kərimovun adını anmaq qadağan edilib. Bu barədə "Azadlıq" radiosu məlumat yayıb.
Telekanalların redaktorlarına Kərimovun adını "daha az yad etmək" və Özbəkistanın hazırki prezidenti Şavkat Mirzəyev haqqında daha çox danışmaq əmr edilib.
Jurnalistlərin sözlərinə görə, verilişlərdə birinci prezidentin fotoşəkillərin və abidələrinin göstərilməsi də qadağan edilib.
"Rəhbərlik bizə deyib ki, efirdə Kərimovun adı səslənsə başımızdan olacağıq", deyə telekanallardan birinin aparıcısı bildirib.
Bir müddət əvvəl məlum olub ki, Özbəkistanda Kərimovun portretləri və kitabları məhv edilir. Avqustun 20-də suvenir satıcılarına qarşı reydlər aparılıb. Birinci prezidentin təsviri olan maqnit və təqvim satanlar cərimələnib, mallar isə müsadirə olunub. -02D-
-
- Cəmiyyət
- 24 Avqust 2018 11:29
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz