Paşinyan Qazaxın 4 kəndini qaytarmağa hazırdır, lakin bu, sülhə zəmanət vermir

Yerevan Azərbaycanın yeni hücumunun qarşısını almaq üçün delimitasiyaya başlamağa razılaşıb, baxmayaraq ki, bu, sülhə zəmanət vermir. Bu barədə Ermənistanın baş naziri Nikol Paşinyan aprelin 10-da ölkə parlamentində çıxışında bildirib.

"Biz delimitasiya prosesinə Tavuş vilayəti və Azərbaycanın Qazax rayonunun dörd kəndindən başlamağa etiraz etmirik. Bu kontekstdə tez-tez belə bir sual səslənir: Tavuşda delimitasiya Ermənistanın təhlükəsizliyinə zəmanət verirmi? Cavab - vermir. Lakin bu məsələləri həll etməkdən imtina etmək ölkənin təhlükəsizliyi üçün təhdidlərin davam etməsinə zəmanət verir və bu zəmanət aradan qaldırılmalıdır", deyə baş nazir bildirib.

Tavuşda delimitasiya Azərbaycanın digər hissələrdə 30-a yaxın erməni kəndini Ermənistana qaytarmağa razılaşacağına da zəmanət vermir. Bununla belə, delimitasiya həyata keçirilməlidir, deyə Paşinyan qeyd edib.