Paşinyan: “Yerevan yaxın vaxtlarda Ermənistan-Azərbaycan sərhədinin delimitasiyası məsələsində irəliləyişə nail olmağa ümid edir”
Paşinyan: “Yerevan yaxın vaxtlarda Ermənistan-Azərbaycan sərhədinin delimitasiyası məsələsində irəliləyişə nail olmağa ümid edir”
Bazar ertəsi Ermənistanın baş naziri Nikol Paşinyan Gürcüstana rəsmi səfərə gedib. Danışıqların yekunları ilə bağlı Gürcüstanın baş naziri İrakli Kobaxidze ilə birgə keçirilən mətbuat konfransında Paşinyan qeyd edib ki, Kobaxidze ilə Yerevan və Bakı arasında münasibətləri, sərhədlərin delimitasiyası və demarkasiyası prosesini, habelə əldə edilmiş razılaşmaları müzakirə edib.
"Yerevan ümid edir ki, yaxın vaxtlarda Ermənistan-Azərbaycan sərhədinin delimitasiyası məsələsində konkret irəliləyişə nail olmaq mümkün olacaq", - Paşinyan vurğulayıb.
Onun sözlərinə görə, hər iki tərəf bu məsələlərin həlli yolları barədə ümumi anlayışa malikdir.
"Biz yaxın vaxtlarda sülh müqaviləsi layihəsinin razılaşdırılmış müddəalarının imzalanmasını, diplomatik münasibətlərin qurulmasını və qalan məsələlərin müzakirəsinin davam etdirilməsini Azərbaycana təklif etdik", - o deyib.
Öz növbəsində Kobaxidze qeyd edib ki, Gürcüstan Ermənistan və Azərbaycan arasında münaqişənin nizamlanmasında müsbət prosesləri alqışlayır. "Biz də bu məsələdə öz rolumuzu oynamağa hazırıq", - o əlavə edib.
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz