Apellyasiya Məhkəməsi deputatlığa namizədin şikayətinə “sprinter” sürətilə baxıb
Bakı Apellyasiya Məhkəməsi Müsavat Partiyasının sədr müavini Mustafa Hacıbəylinin növbədənkənar parlament seçkiləri zamanı pozuntulara dair şikayətini təmin etməyib.
Şikayət Hacıbəylinin namizəd olduğu 8 saylı Binəqədi birinci seçki dairəsində yol verilmiş pozuntularla bağlı olub.
“Mərkəzi Seçki Komissiyası bu dairədəki seçki məntəqələrinin heç birində pozuntunu etiraf etməyib.
Şikayət ərizəsi 11 səhifə, aktlar 21 səhifə, Mərkəzi Seçki Komissiyası və Dairə Seçki Komissiyasının qərarları 16 səhifə, üstəgəl DVD diskdə təqdim etdiyim videolar.
Şikayət təqdim olunduqdan 3 saat sonra Bakı Apellyasiya Məhkəməsi rədd cavabı verdi. Şikayəti nəinki araşdırmaq, hətta onunla diqqətlə tanış olmaq üçün 3 saat bəs etməzdi. Deməli, nəinki araşdırmaq, heç oxumadan rədd cavabı verdilər”, - Hacıbəyli deyib.
Bu gün o, Ali Məhkəməyə kassasiya şikayəti verib.
Sözügedən dairədə sonuncu çağırış deputat Azay Quliyev liderlik edir.
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz