Prezident İlham Əliyev Avropa Şurası Konvensiyasına protokolu imzalayıb
Fevralın 9-da Azərbaycan prezidenti İlham Əliyev Avropa Şurasının “Terrorçuluğun qarşısının alınması haqqında” Konvensiyasına əlavə Protokolun ratifikasiyası haqqında qanunu imzalayıb.
Bu sənəd 22 oktyabr 2015-ci ildə Riqada qəbul edilib. Sənəddə terrorizmə qarşı mübarizə sahəsində beynəlxalq əməkdaşlığın genişləndirilməsindən danışılır. Əsasən, terror məqsədilə xaricə gedən şəxslərin barəsində operativ informasiya mübadiləsi üçün əlaqə məntəqələrinin yaradılması nəzərdə tutulur.
Dövlət başçısının Avropa Şurasının sənədinin ratifikasiyası haqqında qanunu imzalaması ölkənin Avropa Şurasından və Strasburq məhkəməsindən çıxmasının mümkünlüyü ilə bağlı rəsmi Bakının son bəyanatları və dövlət təbliğatı ilə dissonansa səbəb olub.
Bu əhval-ruhiyyə yanvarın 24-də Avropa Şurası Parlament Assambleyasının Bakını Avropa Şurası qarşısındakı öhdəliklərini pozmaqda ittiham edərək Azərbaycan nümayəndə heyətini 1 il müddətinə səs hüququndan məhrum etməsindən sonra yaranıb.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz