Prezident İlham Əliyev «Azadlıq» radiosunun bərpa olunmayacağına işarə edib

Beynəlxalq tənqidin önəmi yoxdur və heç kim jurnalistlərin hüquqlarının pozulmasına görə Azərbaycan hakimiyyətini tənqid edə bilməz. Bu fikri bu gün prezident İlham Əliyev Bakıya informasiya agentliklərinin konfransına gələn bir qrup xarici jurnalist ilə görüşündə söyləyib.

Associated Press agentliyinin vitse-prezidenti Con Danişevskinin “Azadlıq” radiosunun şərhçisi Xədicə İsmayılovanın işinə və bu radionun ofisinin bağlanmasına toxunaraq jurnalistlərin təqib edilməsi və saxta ittihamlar ilə həbs olunması  barədə  sualı İ.Əliyevi acıqlandırıb.  “Bakı beynəlxalq birliyin etimadını bərpa etmək üçün nə etməlidir?”, - o sual edib.

Bu sualın cavabında İ.Əliyev deyib: “Siz dünya deyəndə kimi nəzərdə tutursunuz?

“Ölkədə əgər azad İnternet fəaliyyət göstərirsə, senzura yoxdursa, əhalinin 75 faizi İnternet istifadəçisidirsə mətbuat azadlığının məhdudlaşdırılmasından necə danışmaq olar”.

Sonra o, jurnalistlərə qarşı cinayətlərə görə Qərbə hücuma keçib və Londonda Ekvador səfirliyində gizlənən Culian Assanjın işinə toxunub. “Culian Asanj bir neçə il bundan qabaq hansısa qadınla əlaqələrə görə ekstradisiya və ölüm cəzası təhlükəsi ilə üzləşib. O, iki ildən artıqdır ki, səfirlikdədir və çölə çıxmaqdan qorxur. Bunu necə izah edə bilərsiniz? Jurnalistlə bu cür rəftar etmək demokratikdirmi?”, - o sual edib.-02D-