president.az
Prezident İlham Əliyev: “Azərbaycan “yaşıl enerji”yə keçid prosesində öndə gedənlərdən olmalıdır”
Azərbaycanın bərpa olunan enerji ehtiyatlarının potensialı ölkənin tələbatını üstələyir ki, bu da istehsal olunan "yaşıl enerji"nin ixracına imkan verir. Eyni zamanda, enerji istehsalında qənaət olunan qaz da ixraca, ilk növbədə Avropaya ixraca yönəldiləcək. Bu barədə Azərbaycan prezidenti İlham Əliyev “Euronews” telekanalına müsahibəsində bildirib.
Onun sözlərinə görə, Azərbaycan orta perspektivdə 10 qiqavata və 2030-cu ilədək 5 qiqavata qədər gücü əhatə edən bütün müqavilələri və anlaşma memorandumlarını icra etməyi planlaşdırır.
“Hədəfimiz belədir. Potensial var. Siz günəşi, istəyimizi, o cümlədən küləyi görə bilərsiniz. Yaxşı sərmayə mühiti var. Bu, həqiqətən göstərir ki, ölkə ənənəvi enerjidən əldə etdiyi gəlirləri hazırda bərpa olunan enerjiyə yönəldir. COP29-a ev sahibliyi edəcək ölkə kimi “yaşıl enerji”yə keçid prosesində öndə gedənlərdən olmaq bizim üzərimizə düşən öhdəlikdir”, - Əliyev deyib.
Bununla yanaşı, o, "milli enerji şəbəkəsi"nin inkişaf etdirilməsinin zəruriliyini qeyd edib.
“Biz onu gücləndirməliyik ki, sərmayədarların verdiyi mümkün qədər çox enerjini qəbul edə bilsin. Digər çətinlik ötürülmə xətlərilə bağlıdır, çünki bu halda biz öz qonşularımızla fəal çalışmalıyıq. Azərbaycanın özünə planlaşdırdığımız qədər bərpa olunan enerji lazım deyil və bu səbəbdən hədəfimiz ixracdır. Bərpaolunan enerjidən istifadəyə olduqca düşünülmüş yanaşma tətbiq edilməlidir ki, elektrik enerjisi maksimum istehsal olunsun və təbii qaza qənaət edilsin ki, o, əsasən indi Avropaya lazım olan qaydada nəql olunsun”, - İlham Əliyev deyib.
-
- Kənd təsərrüfatı
- 22 İyun 2024 11:28
Siyasət
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
-
Azərbaycan və İndoneziya arasında diplomatik pasport sahiblərinin vizasız səfərləri barədə razılıq əldə edilib. Müvafiq hökumətlərarası sazişi sentyabrın 27-də Nyu-Yorkda Birləşmiş Millətlər Təşkilatı Baş Assambleyasının 79-cu sessiyası çərçivəsində keçirilən görüşdə Azərbaycan və İndoneziyanın xarici işlər nazirləri Ceyhun Bayramov ilə Retno Marsudi imzalayıblar.
Rəy yaz