Prezident İlham Əliyev: «Biz dünyanın aparıcı ölkələrinin təcrübəsinə əsaslanmalıyıq»

Tovuz rayonunda olan dövlət başçısı İlham Əliyev bir sıra obyektlərin, o cümlədən ümumi su tutumu 20 milyon kubmetr, faydalı həcmi 18 milyon kubmetr olan Tovuzçay su anbarının açılışında içtirak edib. Anbarın su hövzəsinin sahəsi 160 hektardır.

“Dünya iqtisadiyyatı böhran içindədir.  Bu böhranın hələ sonu görünmür. Bölgəmizdə iqtisadi böhran, bəzi hallarda hərbi və siyasi böhran yaşanır. Azərbaycan isə sabitlik məkanıdır, inkişaf ölkəsidir. Baxmayaraq ki, gəlirlərimiz əhəmiyyətli dərəcədə azalıb, ancaq biz daha da səmərəli işləməliyik. Əminəm ki, biz xüsusilə aqrar, emal, sənaye sektorlarının inkişafı hesabına iqtisadi yüksəlişə nail olacağıq”, - İ.Əliyev Tovuz rayon ictimaiyyətilə görüşündə bildirib.

“İndiki dövrdə xüsusilə sahibkarlığın inkişafı, əsaslı islahatların dərinləşməsi prioritet məsələlərdir. 

Azərbaycanda bütün maliyyə, iqtisadi mexanizmlər dünyanın aparıcı ölkələrinin təcrübəsinə əsaslanmalıdır.

Maliyyə və iqtisadi sektorun inkişafı imkan verəcək ki, biz neftin qiymətindən asılı olmayaq”, - dövlət başçısı vurğulayıb.-02D-