Prezident İlham Əliyev.
Bakı/26.02.21/Turan: "Xocalı soyqırımı Ermənistanın azərbaycanlı əhaliyə qarşı törətdiyi qanlı cinayət, soyqırımdır". Bunu Azərbaycan prezidenti İlham Əliyev Xocalı faciəsinin 29-cu ildönümü ilə əlaqədar bugünki mətbuat konfransında bildirib.
O xatırladıb ki, soyqırım nəticəsində 613 nəfər, o cümlədən 106 qadın və 63 uşaq xüsusi qəddarlıqla qətlə yetirilib.
"Xocalı soyqırımını törədənlər hərbi cinayətkarlardır. Onların bir çoxu İkinci Qarabağ Müharibəsində Azərbaycan Ordusu tərəfindən məhv edilib", - İ.Əliyev qeyd edib.
Xocalı soyqırımı erməni faşizminin təzahürüdür. 1992-ci ildən son hadisələrə qədər erməni faşizmi Azərbaycan xalqına böyük zərbə vurub. Hərbi təxribatlar, terror aktları, dinc əhaliyə qarşı qəddarlıq, şəhərlərimizin, kəndlərimizin atəşə tutulması. İkinci Qarabağ Müharibəsi zamanı dinc şəhərlərin ballistik raketlərlə atəşə tutulması da erməni faşizminin təzahürü oldu", - İ.Əliyev bildirib.
Prezident qeyd edib ki, Xocalı soyqırımı dünya birliyi tərəfindən tanınır.
"10-dan çox ölkə bu hadisəni soyqırımı kimi rəsmən tanıyıb və təsdiq edib. Və bu proses davam edir... Ermənistan dövlətinin hərbi cinayətləri sənədləşdirilib - video, fotomateriallar kifayət qədər geniş auditoriyaya təqdim olunub. İndi bütün dünya görür və bilir ki, Azərbaycan xalqı XX əsrin sonunda soyqırımına məruz qalıb", - prezident davam edib.
Ermənistan Xocalı soyqırımını törətməklə əslində Azərbaycan xalqının iradəsini qırmaq istəyirdi.
"Təsadüfi deyil ki, xarici jurnalistlərə müsahibələrində Ermənistan rəhbərləri, hərbi cinayətkarlar bu suala cavabda qürurla qeyd ediblər ki, Ermənistan dinc əhaliyə qarşı bu hərbi cinayəti törədib ki, Azərbaycan xalqı görsün ki, Ermənistan rəhbərliyi dinc əhaliyə də əl qaldıra bilər.
Biz Xocalı qurbanlarının qisasını döyüş meydanında aldıq. 44 gün davam edən İkinci Qarabağ Müharibəsində erməni ordusunu darmadağın edərək tarixi torpaqlarımızı işğalçılardan azad etdik, Xocalı qurbanlarının qisasını aldıq", - İ.Əliyev qeyd edib.
O deyib ki, Azərbaycan bundan sonra da Xocalı soyqırımı haqda dünya birliyinə məlumat verəcək. "Bizim məqsədimiz bu qanlı cinayəti nə Azərbaycanda, nə də dünyada unutdurmamaqdır ki, bu, bir daha təkrarlanmasın", - İ.Əliyev vurğulayıb.—06D-
Siyasət
-
Demokratik Qüvvələrin Milli Şurası tərəfindən tərtib edildiyi iddia edilən saxta sənəd ətrafında qalmaqal 2013-cü ildə Azərbaycanda keçirilmiş prezident seçkilərində siyasi müdaxilə və manevrlərlə bağlı suallar doğurub.
-
Fransa Xarici İşlər Naziri Jan-Noel Barro şənbə günü Azərbaycanı Yeni Kaledoniya və digər Fransız dənizaşırı ərazilərində vəziyyəti qeyri-sabitləşdirməyə cəhd etməkdə ittiham edib. Sosial media platforması X-də etdiyi açıqlamada Barro bildirib: "Bakı qrupu bir daha Yeni Kaledoniyada milli siyasi həyatımızı qeyri-sabitləşdirməyə çalışıb. Azərbaycanın dənizaşırı ərazilərimizdəki bu mənasız cəhdləri qəbuledilməzdir və dərhal dayandırılmalıdır."
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
Rəy yaz