Prezident İlham Əliyev.
Prezident İlham Əliyev Fransanı neokolonializmdə ittiham edib
Bakı/02.03.23/Turan: Bu gün dünyada neokolonializm meylinin artması müşahidə olunur. Bu barədə Azərbaycan prezidenti İlham Əliyev cümə günü Bakıda Qoşulmama Hərəkatının COVID-19-a qarşı mübarizə üzrə Təmas Qrupunun sammitində çıxış edərkən bildirib.
“Tarixi müstəmləkəsizləşdirmə prosesi nəticəsində yaranmış Qoşulmama Hərəkatı bəşəriyyətin bu rüsvayçı səhifəsinin tamamilə aradan qaldırılması istiqamətində səylərini birləşdirməlidir”, - Əliyev qeyd edib.
Qoşulmama Hərəkatı Qəmər Adaları İttifaqının Fransanın müstəmləkə hakimiyyəti altında qalmaqda davam edən Mayot adası üzərində şəksiz suverenliyini həmişə güclü dəstəkləyib.
Əliyev təşkilatın təməl sənədlərinə istinad edərək Fransa hökumətini Yeni Kaledoniya xalqının və Fransanın dənizaşırı icma və ərazilərindəki digər xalqların hüquqlarına hörmət etməyə çağırıb.
“Fransanın Avropadan kənarda idarə etdiyi ərazilər fransız müstəmləkə imperiyasının iyrənc qalıqlarıdır. Biz həmçinin Fransanı Afrika, Cənub-Şərqi Asiya və digər ərazilərdə Qoşulmama Hərəkatının üzvü olan ölkələrə qarşı müstəmləkə keçmişinə, qanlı müstəmləkə cinayətlərinə, eləcə də soyqırım aktlarına görə üzr istəməyə və məsuliyyətini etiraf etməyə çağırırıq”, - İlham Əliyev deyib. 06В
-
- Siyasət
- 2 Mart 2023 11:57
Siyasət
-
Mayın 21-də Səbail Rayon Məhkəməsi "Kanal 13" İnternet televiziyasının rəhbəri Əziz Orucovun və bu media strukturunun əməkdaşı Şamo Eminovun ilkin həbs müddətini daha 1 ay uzadıb. Bu barədə Turan-a jurnalistlərin yaxınları bildiriblər.
-
Azərbaycanın dövlət başçısı İlham Əliyev vertolyot qəzası zamanı həlak olan İran prezidenti Seyid İbrahim Rəisi ilə son görüşünü "tarixi görüş" adlandırıb.
-
İyunun 11-dən Şengen vizası 12 faiz bahalaşacaq. Sloveniya Xarici İşlər Nazirliyi bildirib ki, rüsumun məbləği böyüklər üçün 90 avro, 6 yaşdan 12 yaşa qədər uşaqlar üçün 45 avro olacaq.
-
2 saylı cəzaçəkmə müəssisəsində saxlanılan fəal, keçmiş siyasi mühacir Samir Aşurovun səhhəti pisləşib. Bu barədə Turan-a onun xanımı Nuranə Aşurova bildirib.
Rəy yaz